公曆

出自維基百科,自由嘅百科全書
跳去: 定向搵嘢

公曆,即係世界上大多數地方用嘅曆法,而家用緊嘅公曆係格里曆Gregorian calendar),又譯額我略曆格列高利曆,係由意大利醫生兼哲學家 Aloysius Lilius 改革儒略曆整出嚟,由教宗格列高利十三世1582年歐洲頒佈推行。

有乜特別[編輯]

格里曆同儒略曆一樣,都係每四年喺二月底加一個閏日,不過,格里曆特別規定,所有唔可以畀400整除嘅世紀年(即有兩個喺尾嘅年份,1800年1900年之類)都冇閏日。其他可以畀400整除嘅世紀年就有閏日,好似1600年2000年咁,所以2000年係有2月29號

每 400 年,額我略曆就只得 97 個閏年,比儒略曆少 3 個。額我略曆嘅年平均長度係 365.2425 日,接近平均回歸年嘅 365.24219 日,即係約每 3300 年先有一日誤差,亦接近春分點回歸年嘅 365.24237 日,即係大約每 8000 年誤差一日。而儒略曆嘅曆年係 365.25 日,約每 128 年就多咗一日。到1582年時,儒略曆嘅春分日(3月21號)同地球公轉到春分點嘅實際時間已經相差咗 10 日。

格列高利曆開始行嗰陣,同時規定,原先儒略曆1582年10月4號星期四嘅遞日係格列高利曆1582年10月15號星期五,即有10日唔見咗,而原先星期嘅週期就唔改。格列高利曆嘅紀年沿用儒略曆,係傳統嘅耶穌出世嗰年開始,有叫「公元」或「西元」。

世界各地嘅使用情況[編輯]

格里曆係陽曆嘅一隻,中國1912年開始用,取代傳統用開嘅中國曆法夏曆(黃曆),而中國傳統曆法係一隻陰陽曆,格里曆喺中文裏邊又叫陽曆、西曆、新曆。而家都重有國家唔用公曆嘅。