具註曆，又叫具註曆日，為通書前身。故名意義，帶註之曆日。戰國秦漢出土曆日，都只係年月日同干支，節氣朔望，附帶些少建除反支血忌之類，並唔多講吉凶宜忌。因為依啲，另有書卷，睇咗曆日再查書。而具註曆之註，為天文曆、物候同年月日宜忌。現時最早一份，已記有日食預報。而何日有乜宜忌亦會記載，方便人唔使查來查去。
具註曆唔知幾時有，現時出土只知南北朝時。到大唐時，具註曆內容就豐富好多，到大宋中後，具註曆已有齊今日通書各項。具註曆只係當年有用，過咗時效，就會棄之不留，故此存世唔多。即使大清時憲書，都係唔齊。
