冰磧

尼泊爾嘅山谷冰川所形成嘅冰磧湖。

冰磧（Bing¹ Zik¹）（法文：Moraine），又稱冰磧作用（Bing¹ Zik¹ Zok³ Jung⁶），包括任何喺有或者曾經有過冰川嘅地方產生，畀冰川推過並且冇畀壓成一嚿嘅任何碎屑物堆，簡單啲來講就係冰川逳動而堆積出來嘅石堆。構成冰磧啲碎屑物一般都係有啲畀磨圓過，大細有石鼓咁大嚿至碎石同砂粒咁細粒，並且夾喺一種好粉碎、呈黏土狀嘅叫做冰川粉嘅基質之中。冰磧大致可以分為下邊列嘅兩種情形：形成丘陵或者平原。

冰磧丘陵。冰川融咗之後，喺表磧內磧度啲碎屑物幾乎全部沉流到冰川谷嘅谷底，同底磧、中碛合稱為基磧。哩啲冰磧沉積物跟住隨著時間流逝，隨住谷底嘅地形同強風，逐漸變成高低起伏嘅大小丘陵。冰川越大，啲丘陵就越大，例如：大陸冰川。

冰磧平原，冰河融咗之後，部分碎屑物直接沉積，形成大小混雜、層次難分嘅冰磧（叫冰磯），喺原地堆積形成一個平原。

睇埋

• 冰蝕谷
• 冰川

考

• http://gis.geo.ncu.edu.tw/earth/glacier/glacier.htmWayback Machine嘅版面存檔備份