凱帆軒

出自維基百科,自由嘅百科全書
Jump to navigation Jump to search
喺海邊嘅凱帆軒

凱帆軒(Hampton Place)香港九龍大角咀奧運站嘅一個私人屋苑,總共設有3幢樓高54層嘅住宅大廈,提供880個單位,建築面積由587至到674平方呎,全部係兩房單位。另外,屋苑設有住客停車場,提供270個車位。住宅發展商係長江實業,而管理公司就係高衛物業管理有限公司,佢係長江實業嘅全資附屬機構。

凱帆軒喺港鐵奧運站海邊,係九龍市區近車站而起嘅樓,喺2003年12月入伙。凱帆軒喺奧運站地段海邊位置,喺浪澄灣北面,面向中環港島西、同埋昂船洲維多利亞港海景,因為靠海邊而起,前面無遮擋,加上配合單位嘅設計,令到大部份單位坐享維多利亞港海景。

位置[編輯]

凱帆軒喺香港九龍奧運站海帆道11號。隔籬嘅樓有維港灣奧海城一期、浪澄灣一號銀海大角嘴天主教小學(海帆道)、同埋官立嘉道理爵士中學(西九龍)等等。

設施[編輯]

戶外設有30米海景泳池、池畔曬台、燒烤區、釣魚區同埋兒童遊樂場。

另外,住客會所設有健身中心、蒸氣浴室、桑拿浴室、閱讀閣、桌球室、乒乓球室、美容護理室、舒閒按摩區、健康舞室、兒童遊戲組件、私人電影院同埋宴會廳。

交通[編輯]

港鐵
巴士
專綫小巴
住客穿梭巴士
  • 屋苑設有住客穿梭巴士服務,來往奧海城二期,車程約莫要7分鐘,服務時間係每日朝頭早七點至到夜晚十點。

買嘢、消閒、娛樂[編輯]

由凱帆軒行去奧海城一期,約莫要5分鐘;如果行去奧海城二期,就約莫要8分鐘。此外,屋苑設有住客穿梭巴士服務,去奧海城二期。

特色[編輯]

  • 凱帆軒設計嗰陣,因為建築師將大廈座向郁過,所以觀景角度更加闊。因為喺海邊,無論高、中同低層,海景前面都無樓宇遮住,令大約80%嘅單位有中環同埋昂船洲維多利亞港海景。
  • 凱帆軒大廈公契畀住客養貓、狗等等寵物。不過管理公司就喺住戶手冊裏面,列明唔畀養寵物,所以引起部份愛狗同怕狗住戶鬧交,造成無必要嘅爭拗。

連去[編輯]