奧海城

奧海城（Olympian City）係香港九龍大角咀西九龍填海區裏面嘅建築群，係前地鐵（而家叫港鐵）奧運站一、二期物業發展項目，係九龍區主要商場同埋住宅之一，商場部分由信和置業發展同管理，住宅部分就由信和置業同地鐵公司（而家港鐵公司）一齊發展同物業管理。

商場

奧海城商場原本分為兩期起，頭兩期落成之後幾年，發展商信和置業投到隔籬地皮並且開發第三期。一期商場喺2000年落成，面積係20萬平方尺；二期商場喺2001年落成，面積係60萬平方尺；三期商場喺2011年落成，面積係20萬平方尺。三期商場將會起天橋連去而家好大嘅旺角行人天橋系統直去旺角，重有，另外有天橋同而家奧海城1、2期連接，令到商場總樓面面積增加到100萬平方呎，所以三期商場將成為1、2期嘅主要通道。

商場頭兩期有3層樓高，第三期有兩層高。有大型美食廣場、戲院同埋奧海公園。商舖翻新方面，美食廣場引入Food Republic大食代。因為奧海城二期商場嘅正門入口有一個大型露天廣場同戶外大電視，而商場裏面地下亦有一個大型主題中庭，所以嗰度變咗大型活動，好似睇FIFA世界盃、節日倒數嘅熱門舉辦地點，當中以電視廣播有限公司喺奧海城舉辦活動嘅次數最多。重有，唔少電視劇同電視廣告都喺嗰度拍。

主要商舖

有超市、電器鋪、書局、戲院、運動專門店、專門店、賣皮鞋/手袋、化妝品、禮品/玩具、珠寶/手錶。重有食肆同銀行。

停車場

奧海城一至三期都有停車場。二期停車場有全港第一部「輪胎自動充氣機」，免費幫駕車人士同佢哋座駕輪胎自動打氣。

1期時租停車場：車位330個。

2期時租停車場：車位198個。

私人屋苑

奧海城包括4個私人屋苑，分別係維港灣、柏景灣、帝柏海灣同埋帝峯·皇殿，喺2000年至2001年同埋2011年起好。其中維港灣喺奧海城一期，柏景灣同帝柏海灣喺奧海城二期，帝峯.皇殿就喺奧海城三期。

寫字樓

奧海城設有兩個寫字樓，分別係滙豐中心同中銀中心，係香港上海匯豐銀行同中銀香港嘅後勤總部。

交通

巴士

九巴：2E、10、12、13D、16、18、31B、32、33A、37、43C、52X、66X、72X、87A、87B、265B
新巴：701
過海隧道巴士：904、905、914、971
機場同迪士尼樂園巴士：A21、E21

專線小巴

專線小巴：21K、43M、46、70、78、79K

鐵路

港鐵東涌綫奧運站

連出去