出血 (印刷)

如果版面有貼邊（1）嘅圖案或者顏色，就要一定要留出血位（2）；版面上用來放內文嘅部分（3）就通常唔會貼邊，以防切錯冇咗啲字

出血（粵拼：ceot1 hyut3；英文：bleed）喺印刷業同相關領域（例如平面設計），指印刷嘅版上面存在，但係喺最終頁面唔應該存在嘅 ｢多餘｣ 部分，通常只有少過半吋；亦都指排版或者製版嘅時候預留出血嘅部份。出血嘅部份會喺印刷之後，用機或者人手切走。

出血嘅目的主要係等完成嘅印刷品可以顏色或者圖案貼邊，因為多數嘅印刷機同打印機都印唔到邊嘅。