列文虎克

列文虎克
姓名原文	Antoni van Leeuwenhoek
出生日	1632年10月24號
出生地	德爾夫特
死亡日	1723年8月26號  （90歲）
死亡地	德爾夫特 (荷蘭共和國)
國籍	荷蘭共和國
母語	荷蘭文
識嘅語言	荷蘭文
職業	生物學家、物理學家、instrument maker、商人、microbiologist、會計師、treasurer、土地測量師、wine measurer
配偶	Barbara de Mey、Cornelia Swalmius
阿爸	Philips Antonisz. van Leeuwenhoek
阿媽	Margaretha Bel van der Berch
[改維基數據]

安東尼.范.列文虎克（荷蘭文：Antoni van Leeuwenhoek，1632年10月24號—1723年8月26號）係荷蘭一個自學成才嘅科學家，佢改良顯微鏡，最先發現微生物，所以又叫「微生物學之父」。

家庭同事業

列文虎克喺荷蘭嘅德爾夫特出世。佢喺年幼嗰陣失去咗佢嘅親生父親，之後佢媽媽改嫁俾畫家Jacob Jansz Molijn。當佢繼父喺1648年去世嗰陣，列文虎克就去咗阿姆斯特丹做一個亞麻布商嘅學徒。佢喺20歲嗰陣返返德爾夫特，開始賣亞麻布商同雜貨。1654年佢同一個亞麻布商個女結婚，到佢太太1666年過身嗰陣，佢哋已經有五個細路，可惜祇得一個長大成人。列文虎克喺1671年再娶，佢第二任妻子喺1694年過身。

顯微鏡製造

列文虎克喺經營亞麻布商嘅時候，想用放大鏡睇更細微嘅位，不過當時嘅放大鏡唔夠清楚。佢開始對製作鏡片有興趣，自學成才。佢用一條小玻璃棒，將中間部分放入熱火之中，然後將熱融嘅部分拉開，形成兩條細長嘅玻璃絲。再將其中一條絲重新插入火中，就可以製作出一個非常細小但高質量嘅玻璃鏡片。佢亦用磨砂法製作低倍率嘅鏡片。

皇家學會嘅認可

列文虎克成功出製造出強大鏡片嘅方法，重將佢應用喺微觀世界嘅研究。佢將自己嘅研究成果介紹俾佢嘅朋友、著名嘅荷蘭醫生Reinier de Graaf。當倫敦嘅皇家學會（Royal Society）喺佢哋嘅期刊《皇家學會哲學學報》（Philosophical Transactions）度發表一位意大利鏡片製造商嘅突破性研究嗰陣，de Graaf就寫信俾期刊編輯Henry Oldenburg，大力讚揚列文虎克嘅放大鏡，話佢「遠超過我哋之前見過嘅」。作為回應，皇家學會將列文虎克嘅論文發表喺《學報》度，重叫佢造嘅新丁型放大鏡做顯微鏡。1680年，英國皇家學會接納咗列文虎克爾個非學術專家做會員。

成就同影響

列文虎克用自己造嘅鏡片組合成高倍放大鏡，觀察雨水、血液之類嘅嘢，發現有好多肉眼睇唔到嘅嘢－微生物。佢觀察同記錄顯微鏡下嘅世界，記錄微生物嘅生長過程，得出微生物係無處不在嘅結論，重發現咗微絲血管。顯微鏡嘅發明衍生咗微生物學，原生動物學（Protozoology）、醫學同生理學亦都大有得益。