微絲血管（粵拼：mei4 si1 hyut3 gun2，英文：capillary）係指連住動脈同埋靜脈之間一啲好幼好幼嘅血管，佢嘅主要功用係畀物質做交換，喺肺嘅微絲血管入面，因為微絲血管嘅氧氣濃度細過肺泡，氧氣透過擴散入去微絲血管度，由紅血球入面嘅血基質運送去身體嘅唔同細胞；而微絲血管嘅二氧化碳濃度就畀肺泡高，所以二氧化碳可以透過擴散排出微絲血管，再經由氣體交換排返去空氣度。
