利物浦

利物浦（英文：Liverpool），舊底譯名梨花埠，英國一港口城市，喺英格蘭西北部，向住愛爾蘭海嗰面，出大西洋，19世紀時繁盛如美國紐約，第二次世界大戰後衰落。利物浦嘅足球同音樂尤其出名，特別係利物浦同愛華頓兩大足球會，同埋搖滾樂隊披頭四，樂隊四位成員都係土生土長嘅利物浦人。

利物浦位於默西河口嘅東岸，市中心距離愛爾蘭海大約5英里。

市政由利物浦市議會管理，係默西河畔都市郡5個自治市之一。2016年全市人口估計有484,578人，默西河畔都市區共有224萬人。雖然利物浦已經失去咗大部分製造業基礎，不過仍然係英格蘭嘅核心城市之一。

2004年，「海上商業城市利物浦」被列為世界文化遺產。利物浦曾經被選為2008年度歐洲文化之都。

歷史

利物浦有兩間參加英格蘭超級足球聯賽嘅球會，葛迪遜公園嘅愛華頓足球會（Everton FC）同喺晏菲路嘅利物浦足球會（Liverpool FC）。利物浦贏過18次聯賽冠軍，5次歐洲聯賽冠軍盃（僅次於皇家馬德里嘅9次同AC米蘭嘅7次）同6次足總盃。愛華頓贏過9次聯賽冠軍同5次足總盃，但係喺英格蘭頂級聯賽超過100年，比英格蘭任何足球會都耐。愛華頓贏咗第一次默西塞德郡打吡。另外，同利物浦市一樣屬於默西塞德郡嘅Birkenhead重有一支主場喺Prenton Park嘅球會燦美爾流浪足球會（Tranmere Rovers FC），打緊英格蘭甲組足球聯賽。

同利物浦有關嘅名人好多，睇利物浦名人一覽。

1960年代以來，利物浦喺英國以至全世界嘅Pop音樂文化舉足輕重。睇利物浦著名樂隊一覽。

利物浦有5個議會選區：Garston、河濱、Walton、Wavertree同埋West Derby。