劉詩雯

出自維基百科,自由嘅百科全書
Jump to navigation Jump to search
劉詩雯
Mondial Ping - Women's Doubles - Final - 36.jpg
劉詩雯喺2013年世界乒乓波錦標出過場
個人資料
全名 刘诗雯
國籍 Flag of the People's Republic of China.svg 中國
出世 (1991-04-12) 1991年4月12號(28歲)
Flag of the People's Republic of China.svg 中國遼寧撫順
身高 1.60米(5呎3吋)
體重 46公斤 (101磅,92市斤)

劉詩雯粵拼lau4 si1 man41991年4月12號—)係中國乒乓波運動員,遼寧撫順人。由於佢比較矮,加上成日興快攻,出道時有「細鄧亞萍」之稱[1][2],曾經喺2004年攞過女雙冠軍,2010~2013年攞過ITTF第一位。

生平[編輯]

劉詩雯喺1991年4月12號喺遼寧撫順出世,佢阿爸係砂輪廠嘅廠長、阿媽做過專業乒乓波手[3]。阿媽喺條女出世時有意將佢培養成乒乓波手,從4歲半開始,喺佢屋企個乒乓波檯教佢打波。5歲時被送到撫順市體校張晶清教練而接受訓練[4]

張晶清喺1998年被調到廣州執教,重將嗰時7歲嘅劉詩雯帶到廣州嘅偉倫體校繼續訓練,直到劉詩雯入選廣東代表團後,阿媽亦辭職而搬到廣東陪個女。2003年,11歲嘅劉詩雯第一次代表廣東隊參加城運會團體賽,佢連續擊敗咗張瑩瑩常晨晨同埋姜華珺等嗰時中國國家隊員而一夜成名[4]

劉詩雯喺2004年2月被召入中國國家乒乓波隊二隊後,率先喺7月辦嘅亞洲少年乒乓波錦標攞咗團體同女雙冠軍;之後重贏埋世界少年乒乓波挑戰賽女單冠軍同世界青年乒乓球錦標賽女雙、混雙、團體冠軍。直到喺隊內循環賽攞到第一而入選國家女乒一隊[5]

劉詩雯加入國家一隊後,2007年喺薩格勒布辦嘅世界乒乓波錦標殺到最後4強,但無緣冠軍[6]。但第二年辦嘅全國乒乓波錦標中,攞咗佢生涯第一個冠軍返嚟[4]。2009年1月喺國際乒聯巡迴賽丹麥站攞咗個人職業生涯第一個公開賽單打冠軍[7];同年嘅中國乒乓波公開賽蘇州[8]同埋天津[9]先後兩次攞咗冠軍。同年10月喺廣州版嘅女子乒乓波世界盃嘅女單決賽攞咗冠軍,成為世界盃有史以嚟最後生嘅冠軍同中國國家乒乓波隊有史以嚟第96位世界冠軍,劉詩雯攞咗第一個世界冠軍時[10][11]

2010年1月又喺國際乒聯公佈嘅女單世界排名攞咗世界第一[12]。同年5月喺鹿特丹辦嘅世界乒乓波錦標殺到決賽攞咗亞軍[13][14]。年尾嘅倫敦奧運測試賽攞咗冠軍[15]

雖然2012年入唔到奧運會,但喺國際乒聯職業巡迴賽攞咗女單冠軍[16]。2013年期間先後攞咗1次女團、4次女單同2次女雙冠軍。成為乒乓波世界盃攞冠軍次數排喺王楠同埋張怡寧後面[17]。2014年初喺國際乒聯職業巡迴賽攞咗女單冠軍,成為第一位實現三連冠嘅運動員。同年喺日本東京辦嘅世界乒乓波團體錦標幫中國隊以全勝戰績攞咗冠軍。雖然2015年喺蘇州辦嘅世界乒乓波錦標攞咗亞軍,但2016年初嘅團體賽攞咗冠軍。

[編輯]

  1. "小邓亚萍花样年华完成飞跃 爱哭的她也很臭美". 优个网乒乓球频道. 2009-07-24. (原先內容喺2013-11-12歸檔). 喺2016-08-05搵到. 
  2. "邓亚萍评"小邓亚萍":速度确实快 杀伤力有待提高". 新浪体育. 2009-05-03. 
  3. "小邓亚萍刘诗雯:后天刻苦努力渐成"小一姐"". 《解放日报》. 2009-08-18. 
  4. 4.0 4.1 4.2 "女乒小小花刘诗雯:妈妈的丑小鸭 随身的吉祥三宝". 《乒乓世界》杂志. 2007-09-18. 
  5. "广州妹刘诗雯亚运愿望:走出莫斯科阴影 广州城重振雄风". 《南方都市报》. 2010-11-15. 
  6. ""小邓亚萍"归来 刘诗雯淡看单打资格只想提高能力". 金羊网-新快报. 2009-03-14. 
  7. "丹麦公开赛马龙胜德国新星封王 刘诗雯女单夺冠". 新浪体育. 2009-01-26. 
  8. "中国乒乓球公开赛-刘诗雯4-2胜郭跃女单折桂". 搜狐体育. 2009-06-08. (原先內容喺2016-03-06歸檔). 喺2016-08-05搵到. 
  9. "刘诗雯4-1力克削球黑马 收获中国公开赛第二冠". 搜狐体育. 2009-08-16. 
  10. "刘诗雯成世界杯最年轻冠军 学习两前辈有望更强". 搜狐体育. 2009-10-13. 
  11. "刘诗雯胜郭跃加冕世界杯 成国乒第96位世界冠军". 华奥星空. 2009-10-13. 
  12. "乒联女单排名:刘诗雯超越张怡宁 登顶世界第一". 华奥星空. 2010-01-04. (原先內容喺2016-03-04歸檔). 喺2016-08-05搵到. 
  13. "刘诗雯鹿特丹输球却重拾信心:方向一直在". 《乒乓世界》雜誌. 2011-07-28. 
  14. "施之皓评5金花:郭跃自信只恢复6成 刘诗雯走出阴影". 《北京晚报》. 2011-05-15. 
  15. "刘诗雯总决赛夺冠伦敦还有戏 施之皓:皆有可能". 《广州日报》. 2011-11-28. 
  16. "刘诗雯延续奥运后好状态 半年重大冠军被她包揽". 新浪体育. 2013-01-25. 
  17. "刘诗雯3度登顶仅次两传奇 女2号?现在还真是她". 搜狐体育. 2013-09-23. (原先內容喺2015-05-12歸檔). 喺2016-08-05搵到. 

連出去[編輯]