劍河

出自維基百科,自由嘅百科全書
跳去: 定向搵嘢
劍河景色,喺劍橋城東「綠龍橋」(Green Dragon Bridge)影

劍河(英文:River Cam),又譯康河,係東英格蘭嘅一條河,流經劍橋市中心。

[編輯]

劍河個名係一個左借右借嘅故事。條河古時叫「格蘭打」(Granta),後來有人喺河邊起咗條村,於是叫條村做「格蘭打橋」(古英語:Grantebrycge)。條村個名慢慢演化成「劍橋」(Cambridge),並因為劍橋大學嘅成立而令到條村出名過條河。所以中世紀時,啲人就掉返轉用條村個名嚟叫返條河,變成「劍河」(Cam)。而Granta呢個名就仍然用喺劍橋市以外嘅一部分劍河支流。

流域[編輯]

劍河有兩大支流,一條叫Rhee,起源赫福郡;另一條叫Granta,起源雅息士郡。兩大支流喺劍橋市西南匯合成劍河,由南至北穿過劍橋市,呢截河就係遊客最熟悉嘅「後花園段」(The Backs),大學唔少學院都跨過條河,主要大樓喺河東、花園同宿舍喺河西。條河去到抹大拉學院附近轉右,之後向東北流,去到伊利(Ely)加入大烏茲河(Great Ouse),最後流出北海

康樂[編輯]

劍河最出名嘅活動係扒艇(rowing)同埋撐船(punting)。扒艇用槳,用撥水嚟推隻船向前,係劍橋大學嘅主要運動項目,喺河嘅下游度扒。撐船用篙,靠篤河底嚟推進,遊客去劍橋必試。

另外,河上面仲有人扒獨木舟釣魚。下游可以玩帆船。上游仲可以游水,但係市中心嗰截河太污糟,唔俾游。

連出去[編輯]