加泰隆尼亞

出自維基百科,自由嘅百科全書
(由加泰羅尼亞跳轉過來)
跳去: 定向搵嘢
加泰隆尼亞位置

加泰隆尼亞加泰隆尼亞文Catalunya)係歐洲伊比利半島東北面嘅地區,舊時屬阿拉貢王國,之後做咗西班牙自治區,即係加泰隆尼亞自治區,首府巴薩隆拿。2017年10月27號,加泰隆尼亞自治區政府正式宣佈獨立,建立加泰隆尼亞共和國,不過唔受西班牙同國際承認。

[編輯]

早期[編輯]

加泰隆尼亞嘅歷史可以追溯到9世紀,法蘭克王國卡洛林王朝巴薩隆拿伯國,統治者巴薩隆拿伯爵逐漸擴展佢嘅影響力,吞併週圍嘅伯國,亦逐漸擺脫法蘭克王國嘅管治,1162年成立加泰隆尼亞公國,兩年後嘅1164年巴薩隆拿伯爵繼承咗阿拉貢王國王位,做阿方索二世,令加泰隆尼亞納入咗阿拉貢。

1469年,卡斯提亞王國女王伊莎貝拉一世同阿拉貢王國國王斐迪南二世結婚,令兩國合併做西班牙王國,而加泰隆尼亞仍有一啲自治權。

18世紀頭西班牙王位繼承戰爭,加泰隆尼亞因為企錯邊,最後畀打贏咗嘅菲臘皮五世取消自治權。

近代[編輯]

1933年,加泰隆尼亞有返自治權,但1939年佛朗哥打贏西班牙內戰再次收返自治權,到1978年再攞返自治權,做西班牙其中一個自治區:加泰隆尼亞自治區。

獨立運動[編輯]

多年嚟,加泰隆尼亞人積極參與獨立運動加泰隆尼亞民族主義者希望令加泰隆尼亞切斷同西班牙嘅隸屬政治關係,成為一個獨立共和制主權國家。

過程[編輯]

討論[編輯]

加泰隆尼亞脫離西班牙可以有完全財政自主同主權。然而獨立係咪等同脫離歐元區,失去歐盟公民身分,係主要爭議(2014年蘇格蘭獨立公投結果,蘇格蘭同一原因)。

睇埋[編輯]