動員戡亂
動員戡亂，全名全國總動員戡平叛亂，係源自中華民國嘅政治詞彙，指喺戰爭或緊急狀況期間，國家政府動用全部資源，以支援國防軍事活動，平息叛亂。
動員戡亂係針對中國共產黨而搞出嚟。1947年7月，國共內戰爆發後，中華民國政府因而下令動員戡亂。國民大會喺唔更改《憲法》條文之下，制定《動員戡亂時期臨時條款》，具有高過《憲法》嘅位階。
1991年（民國80年）4月22號，第一屆國民大會第二次臨時會三讀通過廢除《動員戡亂時期臨時條款》，咨請總統明令廢止。4月30號，總統李登輝依據《動員勘亂時期臨時條款》第十項嘅規定，宣告動員勘亂時期喺5月1號終止。5月1號，總統令公布廢除《動員戡亂時期臨時條款》。