北京奧林匹克公園

出自維基百科,自由嘅百科全書
跳去導覽 跳去搵嘢
北京奧林匹克公園一角

 北京奧林匹克公園粵拼bak1 ging1 ou3 lam4 pat1 hak1 gung1 jyun2簡化字北京奥林匹克公园英文Olympic Green)係中國北京一公園,2003年6月7號喐手起,2008年6月28號起好,位置喺朝陽區,東靠北辰東路安立路;南靠北土城東路;西靠北辰西路林萃路;北靠清河

間公園主要係2001年7月13號因為北京申辦奧運成功而開搞。起好之後亦曾經辦過2008年奧運會殘奧會等賽事,期間凈限有奧林匹克身份註冊卡啲人(包括志願者)或有2008年夏季奧林匹克運動會同殘奧會嗰日比賽門票啲觀眾先至有得出入,即使係殘奧會閉幕之後亦唔例外,直到同年9月28號先至對外開放。期間亦先後接受過美版The Amazing Race第14季(2008年10月中旬)同埋深圳衛視版The Amazing Race第3季(2016年4月)啲參賽隊嚟參賽。對外開放之後唔使對入園啲遊客接受安全檢查,直到2017年9月30號,因為北京地區為咗進一步加強反恐力度而實施咗實名制入園同「人過安全門、物過安檢機、液體過檢測儀」制度。