南韓燒酒
| 南韓燒酒 | |
|---|---|
| 諺文 | 소주 |
| 朝鮮漢字 | 燒酒 |
| 文觀部式 | Soju |
| 馬-賴式 | Soju |
喺南韓，燒酒（韓文：소주／燒酒），或者叫南韓燒酎、朝鮮燒酒，係一種源於朝鮮半島嘅燒酒，主要原料係稻米，通常重配埋小麥、大麥或者甘薯呢啲嘢入去。南韓燒酒顏色通透，南韓出產、面向外國市場嘅燒酒度數為廿度左右，爽口、唔上頭，啱嗮西人口味[1]。而傳統燒酒嘅度數好高，一般喺30度以上[2]。南韓燒酒家下已知最早係喺千三年前釀造嘅。
南韓燒酒爽口得來又平，係南韓國內消費量最大嘅酒精飲品，亦係全球最好賣嘅酒。其中，出名嘅燒酒品牌真露穩居世界蒸餾酒銷量第一[3][4][5][6]。南韓燒酒喺歐美，係燒酒入面嘅極品，拍得住法國红酒[7][8]。2008年，美國韋氏字典將佢嘅英文名Soju呢個詞收咗入去[9]。
歷史[編輯]
南韓燒酒一般認爲係喺13世紀高麗王朝嗰陣就有，嗰陣喺中國係元朝，佢嘅製作方法係來自阿拉伯人，源自中東亞力酒[10]。1460年，琉球國王尚泰久遣使赴朝鮮，將泡盛送畀朝鮮世祖，嗰陣係叫「天竺酒」[11]。
南韓燒酒喺元朝被稱爲「燒酎」。「酎」嘅本意係指穀物經過三次蒸馏，好似接露水咁得到嘅酒，所以又叫「露酒」。高麗嗰陣，每戶人家一般都係各自釀製自己屋企嘅燒酒。去到朝鮮王朝嗰陣，安東地區嘅燒酒成爲朝鮮半島最馨香嘅燒酒。[12]
1965至1999年期間，為咗緩解糧荒，南韓政府唔畀用傳統穀物蒸餾工藝釀酒。導致嗰陣嘅南韓釀酒商開始轉用甘藷同木薯提煉酒精，之後加水溝淡再加香料。呢個禁令對南韓燒酒釀造業產業結構造成咗好大衝擊，眾多燒酒釀造商因爲咁而執笠。1973年，南韓政府對燒酒行業進行合併整合，令南韓嘅10個道各自保留一個燒酒釀造商嚟供應各道燒酒市場。不過呢個禁令隨著時間推移不斷咁放寬。1999年，禁令卒之解除。
1924年成立嘅真露燒酒係南韓最大嘅燒酒釀造商，市場份額喺南韓達到50%以上。
.jpg)
各地牌子[編輯]
南韓[編輯]
真露[編輯]
真露係南韓燒酒嘅第一牌子，喺南韓市場份額超過50%[13]。根據酒類專業雜誌《Drinks International》嘅統計，真露稳居世界蒸餾酒销量之首，係世界上最暢銷嘅蒸餾酒。[3][4][14][6]
1924年，張學燁喺平南龍岡創立真泉釀造商會，重正式創立“真露公司”。 1953年公司遷到漢城。 80幾年來，真露始終如一保持住南韓燒酒最高嘅口碑同權威，重連續卅年保持喺南韓國內市場第一嘅紀錄，所以喺南韓有「國酒」呢個名。 [15]
初飲初樂[編輯]
初飲初樂係南韓樂天集團旗下嘅樂天酒業嘅一個燒酒牌子，採用南韓大關嶺山麓乾淨嘅岩石水釀製，含有對人體有益嘅豐富礦物質，係世界上最早嘅鹼水燒酒。 [16]
安東燒酒[編輯]
安東燒酒產自安東，採用傳統嘅蒸餾稻谷工藝釀造，度數45度，1987年指定做慶尚北道嘅南韓無形文化遺產。[17]
楓葉燒酒[編輯]
楓葉燒酒係光州嘅燒酒牌子，以溝楓樹漿為亮點。
北韓[編輯]
平壤燒酒[編輯]
平壤燒酒產自家下北韓首都平壤，用粟米同梗稻、糯米做主要原料釀造。其中國內銷售嘅酒精度為30度左右，出口版酒精度得23度。
松岳燒酒[編輯]
松岳燒酒產自開城（古時稱「松都」），主要原料係粟米，酒精度30度。
海外[編輯]
兔仔牌[編輯]
美國人白蘭驍（Bran Hill）喺布碌侖嘅凡寶（Van Brunt）酒廠以韓國傳統手藝釀造嘅兔仔牌燒酒（Tōkki soju），係受紐約潮人歡迎嘅美國本土韓國燒酒。[18]
參考[編輯]
- ↑ 韩国烧酒在中国 互聯網檔案館嘅歸檔，歸檔日期2011年11月25號，.，《华夏酒报》
- ↑ 〈報道稱北韓燒酒將在美國市場銷售 備受關注〉. 原著喺2019年6月10號歸檔. 喺2017年10月8號搵到.
- ↑ 3.0 3.1 韩国烧酒：低度、健康的诱惑 互聯網檔案館嘅歸檔，歸檔日期2012年6月11號，.，环球网
- ↑ 4.0 4.1 韩国烧酒成为世界上最畅销酒，中央日报财经新闻
- ↑ 韩国烧酒去年畅销海外 互聯網檔案館嘅歸檔，歸檔日期2016年3月6號，.，第一食品网
- ↑ 6.0 6.1 世界顶级烈酒品牌报告：最畅销伏特加与威士忌排行 互聯網檔案館嘅歸檔，歸檔日期2020年7月25號，.，奢侈品中国
- ↑ 解密韩国烧酒，搜狐网
- ↑ 韩国烧酒在世界上的地位 互聯網檔案館嘅歸檔，歸檔日期2012年10月24號，.，酒之园
- ↑
{{cite web}}: Empty citation (help) - ↑ 〈中国蒸馏酒的起源〉. 原著喺2009年6月3號歸檔. 喺2017年10月8號搵到.
- ↑ 《李朝實錄》（《日本庶民生活史料集成》第27卷，三一書房1981年出版，第574頁）。
- ↑ Moving beyond the green blur: a history of soju，Korea JoongANG Daily
- ↑ 年终岁尾韩国烧酒业竞争愈演愈烈，人民网
- ↑ 韩国烧酒去年畅销海外 互聯網檔案館嘅歸檔，歸檔日期2016年3月6號，.，第一食品网
- ↑ 韩国国酒登陆中国 互聯網檔案館嘅歸檔，歸檔日期2016年8月3號，.，《生活时报》李海清
- ↑ 韩国烧酒走俏中国，搜狐网
- ↑ 安東燒酒傳統飲食博物館 互聯網檔案館嘅歸檔，歸檔日期2013年9月9號，.，韩国旅游官方网站
- ↑
{{cite web}}: Empty citation (help)
睇埋[編輯]
- 韓國酒文化
- 中國燒酒
- 日本燒酎
- 琉球泡盛