博愛醫院歷屆總理聯誼會鄭任安夫人千禧小學

博愛醫院歷屆總理聯誼會鄭任安夫人千禧小學bok3 oi3 ji1 jyun2 lik6 gaai3 zung2 lei5 lyun4 ji4 wui2 zeng6 jam6 on1 fu1 jan4 cin1 hei1 siu2 hok6（英文：A.D. & F.D. of Pok Oi Hospital Mrs. Cheng Yam On Millennium School）係香港一間全日制資助小學，位於新界屯門第56區掃管笏路111號。辦學團體係博愛醫院歷屆總理聯誼會有限公司，現任校長蔡劍冬。

博愛醫院歷屆總理聯誼會鄭任安夫人千禧小學原本係1985年開辦嘅博愛醫院歷屆總理聯誼會鄭任安夫人學校，係博愛醫院歷屆總理聯誼會辦嘅第一間小學，分為上下午兩部，位於新界屯門屯利街三號。自2003年9月起，該校正式轉為兩間全日制小學：上午部留喺原來校址，仍命名為鄭任安夫人學校，而下午部就搬到位於第56區掃管笏111號嘅新校舍，就係家下嘅博愛醫院歷屆總理聯誼會鄭任安夫人千禧小學。