卡薩布蘭卡級護航航空母艦

出自維基百科,自由嘅百科全書

卡薩布蘭卡級護航航空母艦英文Casablanca Class aircraft carrier),係美國第二次世界大戰嗰陣整嘅一級護航航空母艦,一共整咗50艘,係二戰建造數量最多嘅航空母艦之一,到二戰完嘅時候一共有5艘被擊沉。

[編輯]

美國輪船製造商亨利·凱澤提出咗一種用流水線整預製件,再將部件焊接嘅造船方案。呢種方案曾經用嚟製造自由輪,但係美國海軍作戰部長恩斯特·金恩反對用呢種方式製造航空母艦,於是亨利·凱澤直接去搵總統富蘭克林,響總統嘅干預之下,海軍通過咗凱澤嘅製造方案。

博格級護航航母唔同,卡薩布蘭卡級護航航空母艦全部留咗響美國海軍,其中得5艘參與咗大西洋嘅作戰,呢5艘當中又只有傳教灣號護航航空母艦係進行反潛作戰[1]。而瓜達康納爾號護航航空母艦響反潛戰方面戰功赫赫,一共擊沉或者俘獲咗4艘德國U型潛艇,其中U-505號係美國自從1812年戰爭以嚟第一次俘虜敵方嘅潛艇[2]

由於護航航母嘅航速低、裝甲薄,一般都唔可以承擔高強度嘅軍事對抗,通常係用嚟運輸飛機或者對地支援。戰後大部分嘅卡薩布蘭卡級護航航空母艦被拆解,有尐就轉作它用,而最後一艘航母泰芬斯灣號護航航空母艦響1964年俾人拆毀[3]

結構[編輯]

卡薩布蘭卡級係美國第一級一開始就按護航航母設計嘅,而之前嘅護航航母多數係改裝。卡薩布蘭卡級好快就整完,通常只要3個月就能整到一艘,其中阿德默勒爾蒂群島號淨係整咗76日。卡薩布蘭卡級護航航空母艦嘅裝甲好少,淨係艦橋同魚雷庫周圍裝咗尐裝甲板。利斯康灣號護航航空母艦沉沒之後,響航空炸彈彈藥庫周圍就有咗用水同油兩溝嘅液體保護屏障,但係減少咗炸彈嘅存放量[4]

呢級航母擁有兩部𨋢同一部彈射器,一般搭載27架飛機,分別係9架戰鬥機、9架魚雷轟炸機同9架俯衝轟炸機;有時會配置18架魚雷轟炸機,唔要俯衝轟炸機[4]。響實戰嘅時候配置都唔同,例如彼得羅夫灣號護航航空母艦就曾經搭載過16架F4F戰鬥機同12架TBF復仇者式轟炸機[5]

參考[編輯]

  1. American Escort Carrier Development The Atlantic CVEs
  2. "World War II: Capture of U-505". 原著喺2015年9月6號歸檔. 喺2014年1月29號搵到.
  3. 第一节 护航航空母舰(4)
  4. 4.0 4.1 Casablanca Class
  5. USS Petrof Bay