叁去壹茶樓

叁去壹茶樓，正名叁去壹點心粉麵飯，係香港島西營盤一間茶樓，嚮西環薄扶林道11號，近前西區裁判法院同西營盤郵政局之間，得個鋪位，連埋廚房廁所。

茶樓入面可以搵到好多1980年代之前嘅集體回憶，包括裝修、設施同嘢食。早茶客多數都係中年男人，佢哋鍾意搭枱同插咀。食晏時有唔少附近學生同地盤工嚟買飯盒 。