反駁隊,坊間又叫應變反駁隊[註 1],係香港特區政府成立嘅團隊,喺2024年重新啟動《基本法》第23條立法工作嗰陣,專門應對互聯網同社交媒體上面被當局認為係「抹黑」或者「惡意攻擊」嘅資訊。呢個團隊係喺2024年1月25號行政長官李家超出席立法會互動交流答問會嗰陣頭一次被提及[2]。同年1月30號,保安局局長鄧炳強喺立法會話自己就係反駁隊隊長[3]。
香港政府亦設立咗核心解說隊,專門要嚟解說香港政府嘅政策,特別喺基本法第23條立法。解說隊嘅核心隊員包括有行政長官李家超、律政司司長林定國、同埋保安局局長鄧炳強。[4][5]