古鏡奇譚
| 古鏡奇譚 | |
|---|---|
 | |
| The Seven Mirrors’ Stories | |
| 類型 | 當代奇幻、歷史奇幻、羅曼史、超自然 |
| 漫畫 : 古鏡奇譚 | |
| 原作 | 游素蘭 |
| 作畫 | 游素蘭 |
| 出版社 |  華尙文化、大然文化、狂龍國際、麥田出版
|
|
其他出版社：
| |
| 連載雜誌 | 《周末漫畫》、《公主漫畫》 《中國卡通》
|
| 發售日 | 1990 |
| 連載期間 | 1989 – 連載中 |
| 冊數 | 《傾國怨伶》：舊版全4卷、新版全5卷 《火王》：舊版全13卷、新版全14卷 《丹聿記》：冇出版單行本 |
| 其他 | 合計：舊版全17卷、新版全19卷 |
| 模板說明 | |
《
故仔大綱
[編輯]遠古嘅神祇爲支撐天地打造咗鎭邪七鏡，七鏡對應遠古七神，分別代表自然界嘅一種力量：造物神之光闇力同埋雷、火、風、水、山、澤。神祇收回咗其中四面，其餘三面則失落人間。後來天地異動，七神相繼消失。佢哋進入轉輪輪迴，等待覺醒嘅時機。因爲七鏡係七神覺醒嘅關鍵，因此，成個故仔以尋找七面神鏡爲無形主幹，再以遠古七神之劫難輪迴爲有形解説，講述佢哋自遠古轉世至今三生三世（遠古、唐代、現代）嘅前因後果，同埋各自嘅歸宿。
「古鏡」系列
[編輯]
.jpg)
《古鏡奇譚》系列而家已出版三部，分別係：
傾國怨伶
[編輯]「古鏡」系列第一部，故仔圍繞水神嫿琤同佢嘅兩次轉世李盈以及蔚詠倩，同埋佢與創世神尙軒、雷神昊玥之間嘅情感宿命。本作1989年開始喺臺灣華尙文化旗下嘅漫畫雜誌《周末漫畫》中連載，1990年由華尙出版單行本，但衹發行咗前三冊。1991年由大然文化發行完整嘅四冊單行本。狂龍國際於2001年推出新版，擴展爲全五冊。麥田出版於2012年發行咗盒裝套書「傾國怨伶經典愛藏版」，全五冊附加一本新繪製嘅番外篇。上述四種版本嘅封面都唔相同。
火王
[編輯]「古鏡」系列第二部，故仔以火神仲天同風神千湄嘅轉世司徒奉劍之間嘅情感命運爲主綫，講述七神輪迴三世嘅前因後果。本作1991年開始喺臺灣大然文化旗下嘅漫畫雜誌《公主漫畫》中連載，1992年起由大然出版單行本，全十三冊。2001年起由狂龍國際發行新版，全新封面，並擴展爲十四冊。2018年由芒果TV拍成同名電視劇。
丹聿記
[編輯]「古鏡」系列第三部，2015年1月開始喺中國漫畫刊物《中國卡通》中連載，而家出至12話，重冇單行本問世。本作係全彩色漫畫，主角係澤神優河嘅轉世丹聿（粵拼：wat6）[5]。
遠古七神
[編輯]
- 帝昀
司山之神，尙軒以外唯一有療傷能力嘅神，亦係天地異變後唯二冇消失嘅神祇之一。爲咗消耗仲天嘅力量而於唐朝時設下圈套，後來爲救力氣耗盡嘅尙軒而逝去。
- 嫿琤
司水之神，個名意思係「寧靜嘅水音」。七神入面唯一嘅女神，天地異變後第一個消失嘅神祇，唐朝廣玉公主李盈同臺裔美國少女蔚詠倩嘅前世。遠古時喜愛創世之神尙軒，但對於尙軒同埋雷神昊玥嘅情感，佢唔知點算好，祈願自身可以一分爲二。因而唐時嘅李盈愛上昊玥，今世嘅詠倩就迷戀尙軒。佢係「古鏡」系列第一部《傾國怨伶》嘅主角。
- 昊玥
司雷之神，個名意思係「天地神珠」，天地異變後第四個消失嘅神祇。唐朝時轉世爲火神仲天嘅徒弟，長大後入宮擔任李盈嘅貼身侍衞，封號「持劍將軍」，並同佢相戀。後因為救李盈而俾太子設計殺害，武后可憐佢而將佢同李盈合葬「唐靈陵」。因詠倩等人發掘公主陵而復活。佢係「古鏡」系列第一部《傾國怨伶》嘅主角。
- 尙軒
創世之神，天地異變後唯二冇消失嘅神祇之一。司掌光闇之力兼宇宙轉輪，深愛嫿琤，亦係七神嘅統領同維繫。最後逝去，歸化萬物。據作者所講，尙軒嘅原型人物係佢年少時鄰居家嘅一位大哥哥[7]。
- 仲天
司火之神，掌控火燄之力，亦係鍛造之神，天地異變後第三個消失嘅神祇。雖名爲火王，卻比冰更冷。第一次轉生至唐朝，係個紅髮碧眼、高鼻深目嘅西域人，愛上風神千湄嘅轉世司徒奉劍。喺奉劍逝去後曾一度抗拒覺醒。現世轉生爲美國商業鉅子特萊斯·康納利·達尼，覺醒後接替尙軒做咗新世紀嘅最高神。因失去摯愛奉劍，曾一度諗住毀滅世界。在得知奉劍亦轉生至現世後做咗佢嘅監護人。佢係「古鏡」系列第二部《火王》嘅主角。據作者所講，特萊斯嘅外貌同造型係參考荷蘭裔瑞典男模馬科斯·申肯伯格而來[8]。
- 千湄
司風之神，個名意思係「水岸邊」，天地異變後第五個消失嘅神祇。有一頭柔亮金髮嘅靚麗男仔，能御風飛馳，亦係命運嘅收綫者，雙眼唔得視物卻能睇見命運絲綫嘅波動。遠古時就喜愛仲天，總係跟住佢身後。但性格冷淡嘅仲天常常對佢視而不見。第一次轉生至唐朝，成爲名動天下嘅先知司徒奉劍，並終與仲天相戀。自13歲起就唔再生長發育，爲咗保守呢個祕密，一直以來都以女裝示人。本嚟動用咗覺醒之力而無法重生，後因仲天嘅力量再次轉生，現世係美國少年靈媒師珊諾·亞頓。特萊斯喺故仔結尾時做咗珊諾嘅監護人。佢係「古鏡」系列第二部《火王》嘅主角。
- 優河
司澤之神，天地異變後第二個消失嘅神祇。遠古時愛上同伴千湄，所以佢唔好鍾意仲天。唐朝再遇仲天，又因千湄嘅轉生奉劍之故同仲天發生衝突，俾仲天打傷，後因動用覺醒之力而逝去。《古鏡奇譚》短篇後續《消失的時刻》講到佢以「文熙華」之名轉生至現代。佢亦係「古鏡」系列第三部《丹聿記》嘅主角。
軼事
[編輯]演員劉詩詩鍾意睇少女漫畫，2013年去臺灣宣傳電視劇《軒轅劍之天之痕》期間，喺誠品書店購入游素蘭嘅《傾國怨伶》漫畫。[9]演員楊冪亦被網友喺一段影片入面發現佢嘅書架上有一套分上下兩冊嘅四拼一合訂本《火王》漫畫，因而被網友推薦出演電視劇《火王》入面「奉劍」一角。[10]
參考
[編輯]- ↑ 〈傾國怨伶2 (香港版)〉。goodreads.com (英文)。喺2020-09-20搵到。
- ↑ 〈全球華語動漫傑出貢獻獎–游素蘭〉。comic.qq.com。2005-06-09。原著喺2007-03-25歸檔。喺2019-08-20搵到。
- ↑ Tiffany (2013-12-26)。〈【人物專訪 NO.27】《傾國怨伶》、《火王》 游素蘭老師〉。comicnet.culture.tw。原著喺2016-11-04歸檔。喺2019-08-20搵到。
- ↑ 〈狂龍編輯部〉。kung-long.com.tw。原著喺2016-12-20歸檔。喺2019-08-20搵到。
- ↑ 牟玉貞 (2015-01-13)。〈「漫畫女王」游素蘭專訪：《丹聿記》上綫連載 成名要趁「精神」年輕〉。manshen.net。原著喺2017-07-07歸檔。喺2019-08-20搵到。
- ↑ 〈傾國佳人飛天而來！中式奇幻．游素蘭〉。creative-comic.tw。2020-08-20。喺2020-09-22搵到。
- ↑ 小米編 (2013-06-17)。〈游素蘭：沒有必要活在別人爲你畫好的輪廓裏〉。news.comicyu.com。原著喺2019-08-07歸檔。喺2019-08-20搵到。
- ↑ 游素蘭 (2002年2月1號)。〈人物與設定簡報——特萊斯的原型人物〉. 《《火王3：曙光前世》》。古鏡奇譚系列之其二。臺北：狂龍國際。頁 134。ISBN 978-9570-49843-1。
- ↑ 蕭孜玹 (2013-01-28)。〈劉詩詩逛誠品打包漫畫 深夜蕩漾少女心〉。《tw.appledaily.com》。原著喺2021-02-11歸檔。喺2020-09-21搵到。
- ↑ Yang, Carina編 (2016-08-15)。〈漫畫《火王》將拍電視劇 網友力薦楊冪出演奉劍〉。ent.qq.com。原著喺2021-08-24歸檔。喺2020-09-21搵到。
出面網頁
[編輯]- 《火王》嘅MyAnimeList頁 （英文）
- 《傾國怨伶》嘅MyAnimeList頁 （英文）
- 《漫畫在通識教育中之運用：解讀游素蘭〈傾國怨伶〉、〈火王〉漫畫中的身體意象》– COnnecting REpositories （臺灣正體）