古黑體

一種古黑體

另一種古黑體

以前德文仲係寫古黑體嗰陣嘅德文打字機

  呢篇文講仿古嘅書法體。想搵第二個意思嘅話，請睇黑體 (搞清楚)。

古黑體（英文：blackletter），又叫歌德體（英文：Gothic），或者就咁叫黑體，係英文書法嘅一類字體，亦係一類印刷字體，曾經係普通嘅手寫字。歌德體唔係得一種寫法，而係有唔同嘅寫法，分做 textura、rotunda、fraktur 同 schwabacher 四大類。

德國式嘅歌德體曾經係德文嘅標準印刷字體，被人叫 ｢德文字母｣，直到二戰結束後改用羅馬體先至唔係。德文嘅歌德體因為字身窄同保留咗所謂 ｢長 s｣（ſ），實際上令德文嘅長字斬短，睇慣歌德體，啲長字反而易睇啲。

喺粵語同中文，黑體又指冇腳字，係因為初期嘅冇腳字都係粗粗黑黑咁，畀人有 ｢好似歌德體咁黑｣ 嘅感覺。