叶韻
提示：呢篇文講嘅唔係叶音。叶韻古代又叫叶音（爲免同塡詞要啱音嘅叶音撈亂，本文唔用呢個叫法），呢個稱呼出自南宋朱熹。宋代之前，學者冇「古韻」嘅概念，佢哋用自己嘅發音唸先秦韻文，就會發現唔押韻。有啲學者以爲古書傳抄有誤，就擅自改變用字（最有名嘅係唐玄宗）。而其他大部份學者認爲，呢啲字唔押韻嘅原因，係因為發音唔同，所以必須改變讀音。叶韻說提出之後，產生咗好大影響，《康熙字典》中嘅字就註有叶韻嘅義項。
叶韻舉例
[編輯]第二章
何以穿我屋（屋韻烏谷切）
誰謂女無家（麻韻古牙切，朱叶音谷）
何以速我獄
雖速我獄（燭韻魚欲切）
室家不足（燭韻即玉切）
朱熹認為呢篇詩應該每個字都押韻，但係佢用自己嘅發音嚟唸，「角」和「家」唔押韻，所以佢改變咗呢兩字嘅發音。
第三章
誰謂鼠無牙（麻韻五加切，叶五紅反）
何以穿我墉（鍾韻餘封切）
誰謂女無家（麻韻古牙切，叶各空反）
何以速我訟（用韻似用切，叶祥容反）
雖速我訟
亦女不從（鍾韻疾容切）
相同道理，朱熹又改變咗「牙」、「家」、「訟」三字嘅發音，造成咗「家」喺呢兩章入面發音唔一樣。相同句子中嘅字，卻有唔同發音，係相互矛盾嘅。
叶韻嘅本質
[編輯]從本質上嚟講，叶韻係因為古人冇意識到語音會隨住時代嘅變遷而變化，今時唔押韻嘅字，用寫作時嘅音嚟讀，其實係押韻嘅。中古漢語離而家較近，語音變化較小，但仍然有部份韻部同今日唔同，導致唔押韻。所以今日唸唐詩，仍然有啲人使用叶韻方法嚟保證押韻。而上古漢語去今已遠，唔押韻嘅情況更甚。由明代陳第硏究開始批判叶韻，自此大家對上古音韻逐步多咗了解，知道邊啲字在上古漢語中可以押韻。
民間讀古詩常見叶韻
[編輯]- 遠上寒山石徑斜（讀caa4）
- 天似穹廬，籠蓋四野（讀jaa5）
註
[編輯]- ↑ 呢個「叶」字並唔係「葉」嘅簡化字，唔可以寫做或者讀做「葉韻」。