司馬談

司馬談
出生日	165年 BC
出生地	河津
死亡日	110年 BC
死亡地	洛陽
國籍	西漢
職業	作家、astrologer、史學家
仔女	司馬遷
阿爸	司馬喜
[改維基數據]

司馬談（前165年—前110年）係西漢太史，皮氏縣人，司馬喜亞仔，司馬遷老竇。武帝劉徹時任太史，掌天文、曆法。佢學天官於唐都，學易於楊何，學道論於黃子。

司馬談生平，見諸佢個仔遷本史記，太史公自序一篇。遷秉承佢遺志，先至用十年寫出本史記。

司馬談之父，司馬喜，任五大夫。亞爺叫司馬無澤，任市長。太爺司馬昌，任秦主鐵官。司馬氏先祖，世典周史，睇天嘅官。不過去周入晉之後，再隨軍入奔秦，之後營生就同天文無關。司馬談任太史，可謂重拾先祖事業。所以要學藝他人。佢見春秋之後幾百年，就無人寫史，明主賢君忠臣死義都無人記，後人無得效法，故此想效法孔丘寫春秋，以史論政，不過未成書已病死。

劉徹建元元封年間，當時學者已經有啲亂，六家要旨分唔清。佢寫咗篇論六家要旨，以正視聽。六家即陰陽家﹑儒家﹑墨家﹑名家﹑法家﹑道家。篇文亦收入太史公自序之內，為後世研究漢初黃老入門。

元封元年，即公元前一百一十年，劉徹去泰山封禪。佢留滯周南，無得參加，嬲到病，當年就病死洛陽。臨死前咁啱個仔遷，西南打完仗返屋企，談就交帶遷，要同佢完成史記。