吉隆坡會展中心

出自維基百科,自由嘅百科全書
跳去導覽 跳去搵嘢
Noun project - Museum - Acropolis.svg 吉隆坡會展中心 Building font awesome.svg
KLCC convention night.jpg
起好2003年 喺Wikidata改呢個
國家馬來西亞 喺Wikidata改呢個
位處政區吉隆坡 喺Wikidata改呢個
建築風格現代建築 喺Wikidata改呢個
正式開放日2003年 喺Wikidata改呢個
https://www.klccconventioncentre.com/ 喺Wikidata改呢個
吉隆坡會展中心嘅位置
吉隆坡會展中心外觀
吉隆坡會展中心嘅內部走廊
吉隆坡會展中心嘅正門

吉隆坡會展中心馬來話Pusat Konvensyen Kuala Lumpur)係馬來西亞吉隆坡一座會展中心,喺吉隆坡城中城入面,面積有120,000平方米,喺2005年開幕。佢係吉隆坡市區最大型嘅會展中心之一,每年都會喺呢度舉辦好多大型展覽,包括由馬來西亞電腦及多媒體協會(PIKOM)所舉辦嘅電子用品展-PC Fair同馬來西亞大眾書局所舉辦嘅中港台以外最大型嘅華文書展——海外華文書市等。

喺體育方面2015年嘅國際奥林匹克委員會全會(IOC Session)都喺呢個會展中心入面舉辦,嗰次大會選出咗2022年冬季奥林匹克運動會所舉辦嘅城市。吉隆坡會展中心亦係國際會議協會(International Congress & Convention Association,簡稱ICCA)同國際會議中心協會(International Association of Congress Centres,簡稱AIPC)嘅會員。

主要設施[編輯]

會展中心一共有5層,裏面嘅設備適合舉辦各個大小型嘅展覽會議

展覽廳[編輯]

會展中心入面有6個大型展覽廳,其中第一至第五展覽廳嘅總面積9,710平方米,樓高9米,主要用嚟做各個大小型展覽嘅承租,而第六展覽廳喺室外,有2,600平方米大,主要用嚟做大型宴會。

議會廳[編輯]

喺主要出入口上方嘅議會廳(Plenary Hall)提供場地畀大型演講、研討會、藝文表演、演唱會展覽開幕儀式、企業大型聚會等使用,有3層高,總共可以容納3,000人。

議會劇場[編輯]

議會劇場(Plenary Theatre)有3層高,可以容納470人,適合舉辦小型演唱會、中型演講、研討會等。

會議室[編輯]

依照規模,有大、中、細之分。其中三座大型會議室(Conference Halls)總計可以容納1,800人,有時會用嚟舉辦小型展覽,其他仲有多達20座嘅小型會議室(Meeting Rooms)。

宴會大禮堂[編輯]

宴會大禮堂(Grand Ballroom)可以容納2,000人,好多馬來西亞政商名流嘅婚禮宴會都選擇喺呢度舉辦。

宴會廳[編輯]

宴會廳可以容納740人(Banquet Hall),適合舉辦中型研究、研討或者宴會。

其他[編輯]

會議中心大樓嘅底樓係美食中心(food court)、吉隆坡城中城水族館同通往陽光廣場嘅地底通道,其出口同城中城-武吉免登空橋系統共構,可以直接通往武吉免登地區。亦同周圍好多建築物透過空橋或者通道聯通,包括雙子塔勘探大廈陽光廣場文華東方酒店君悅酒店等。

出面網頁[編輯]