同化 (語言學)
喺語言學裡面，同化或者語音同化係語音流變嘅一種，係指一個音受到環境影響，而變得更加似影響佢嘅嗰個音嘅現象，通常喺講話速度快嘅時候出現，但係唔一定。
語音同化可以係一種共時現象，亦都可以係一種歷時現象。一個音可能會受到後面、前面、或者另一個詞嘅音、甚至來自環境嘅影響，而被人同化。
共時同化
[編輯] |
共時同化係指喺一種語言同一個時間點上面發生嘅同化現象。例如：一個清輔音旁邊嘅一個濁輔音，經常會受到個清輔音影響，而自己都變埋清輔音。
| 粵語 | 萬國音標（未同化） | 萬國音標（同化咗） |
|---|---|---|
| 今日 | [kɐm˥jɐt̚˨] | [kɐm˥mɐt̚˨][1] |
| 一世 | [jɐt̚˥sɐi˧] | [jɐs˥sɐi˧] |
| 波蘭文 | 萬國音標（未同化） | 萬國音標（同化咗） | 意思 |
|---|---|---|---|
| kwiat | *[kvjat] | [kfjat] | 花 |
| twarz | *[tvaʒ] | [tfaʒ]或者[tfaʃ][2] | 面（部） |
歷時同化
[編輯]歷時同化係指經過一段時間嘅同化嘅過程。例如：拉丁文詞彙演變成意大利文詞彙嘅過程裡面，就發生過好多歷時同化現象。
| 拉丁文 | 拉丁文萬國音標 （仿古式發音） | 意大利文 | 意大利文萬國音標 | 意思 |
|---|---|---|---|---|
| OCTO | [okto] | otto | [otto] | 八 |
| LECTVS | [lektus] | letto | [letto] | 床 |