吳冰

吳冰^[1]（英文：Sabrina Ng，11月2號—，藝名：阿冰），係香港 YouTuber、女演員，亦係網上短片平台小薯茄嘅成員。佢出身香港浸會大學電影學院，2017年畢業，之後憑住拍小薯茄嘅搞笑短片而開始畀網民認識。2019年佢更參與拍ViuTV電視劇，做其中一個單元嘅女主角。

喺小薯茄嘅片入邊，關浩傑（阿J）經常飾演溝唔到吳冰嘅角色。關浩傑喺小薯茄嘅一條片^[2]入面講咗一句：「阿冰都好重要㗎，你知唔知呀？」，之後程仁富（程人富）答佢話：「阿冰係人哋女朋友。」，隨之以後，幾乎所有吳冰有份嘅片嘅留言區都會有「阿冰係人哋女朋友」呢句出現。