吳思遠

吳思遠，BBS，JP，廣東中山人，上海出世，香港傳統親中陣營電影界名人（香港電影導演會永遠榮譽會長、香港電影工作者總會永遠榮譽會長），曾經做過中學教書先生、思遠籃球隊班主。

政治參與同選舉經歷

吳思遠係香港親中陣營嘅支持者，1995年4月28號獲中央人民政府委任做香港事務顧問，1996年當選為香港特別行政區第一屆政府推選委員會第二界別委員。

由1998年到2016年，吳思遠連續五屆都係循演藝小組當選為香港特別行政區選舉委員會委員。

2020年5月尾，吳思遠曾經參與一份聯署，支持北京未經諮詢或香港人同意而強行訂立，同時引起泛民主派一致爭議嘅《香港國家安全法》，但有關聯署之後被踢爆做假，其中名單上嘅張寶華、徐熙媛、李巧靈同蔣志光之後矢口否認有份參與，而陳汝騫就响2019年去世。