吳樂俊

吳樂俊，香港警務人員，因為曾經劉定成「猛男寫真」事件同埋喺香港逃犯條例爭議期間多次向公眾講述警察嘅工作得到公眾關注。

喺警隊內工作嘅經歷

佢曾經做過港島總區高級警司，期間多次就香港逃犯條例爭議嘅示威運動，向公眾講述警察嘅工作。佢曾經多次公開批評示威者，同埋解釋使用催淚彈、強行終止示威活動嘅原因。佢之後去咗做深水埗警區指揮官，2020年12月晉升做總警司。

爭議

劉定成「猛男寫真」事件

喺2012年5月，多個港台媒體報導，商人劉定成引誘咗包括吳樂俊在內嘅多個男性警務人員同明星拍下裸照。之後，佢承認自己曾經拍咗一啲唔著上衣，營造夏日氣氛嘅照片。亦因為呢次事件，喺香港逃犯條例爭議期間，有啲支持反修例嘅人會揶揄叫佢做「警鴨」。

武漢肺炎疫情嚴峻期間參與大型聚會

喺2022年，香港武漢肺炎疫情嚴峻，好多市民都受限聚令限制唔可以聚會，生活受到一定影響，不過喺1月，消防處被揭發知法犯法，喺尖沙嘴消防局大樓嘅會社內舉行百人聚餐午宴，其中包括吳樂俊在內，仲有消防處處長梁偉雄、建築署長何永賢、行政會議成員葉國謙、立法會議員楊永杰、深水埗民政事務專員黃昕然、九龍城民政事務專員蔡敏君，仲有警務處、民政署同埋食環署嘅高級官員都有出席，事件被人批評，話呢啲官員知法犯法。