蔡敏君

出自維基百科,自由嘅百科全書

蔡敏君JP英文Alice Choi Man Kwan1973年11月13號—),香港政府官員,而家係九龍城民政事務專員

政府內工作[編輯]

蔡敏君喺2001年加入政務職系,曾經喺多個政策局同部門工作,包括民政事務總署、前教育統籌局財經事務及庫務局政制及內地事務局房屋署同埋商務及經濟發展局。佢喺2020年被調任九龍城民政事務專員前,係商務及經濟發展局首席助理秘書長(工商)。[1]

2020年香港立法會選舉對候選人進行政治審查[編輯]

2020年香港立法會選舉,就各地區直選選舉主任嘅安排,政府打破過去由當區民政事務專員擔任選舉主任嘅傳統做法,而係跨區配對[2]。其中蔡敏君身為九龍城民政事務專員,本應隸屬於九龍西選區,但政府就安排佢跨區出任九龍東選區嘅選舉主任[3]。呢個安排被視為為剝奪有意參選一啲民主派立法會選舉參選資格鋪路。[1][2]

去到7月26號,報名參選九龍東選區嘅黃之鋒喺社交媒體表示收到蔡敏君嘅信件,內容提及佢喺香港眾志時期嘅工作,「民主自決」嘅主張,美國國會協助港人而通過《香港人權及民主法案》,外國政府因應香港官員行為對香港進行制裁等等嘅事,民主派運用《基本法》賦予立法會權力否決預算案等事宜。黃之鋒評論呢封信充份反映政權鉅細無遺嘅政治審查。[4]

爭議[編輯]

被指控多次違反武漢肺炎期間政府群組聚集限制[編輯]

武漢肺炎香港疫情期間,蔡敏君曾經多次被批評多次違反限聚令。

喺2020年7月,佢曾經被投訴喺第三波疫情爆發仍然參與私人卡拉OK聚會,傳媒報道嘅照片當中,蔡敏君亦無戴口罩。蔡敏君之後就聲稱佢當時有做適當防疫措施[5]。去到7月26號,黃之鋒公開喺社交媒體回應佢作為該年度立法會選舉九龍東選區選舉主任嘅時候,亦有提及事件,形容佢作為政府高級公務員,喺7月初的第三波疫情爆發期間,仍然唔帶口罩參與私人卡拉OK聚會,情況令人擔心[4]

去到2021年3月,香港童軍總會舉行「第1屆行政人員高級訓練班」畢業活動,蔡敏君都有出席,現場超過30人。但當時限聚令仍然生效,而根據政府當時嘅規例,即使係私人物業,如果容許公眾人士不時進入,咁樣嗰度亦符合公眾地方嘅定義。另外,任何一個宴會活動嘅人數喺任何時間亦唔可以超過20人[6]

去到2022年1月,疫情仍然嚴峻,好多市民都受限聚令限制唔可以聚會,生活受到一定影響,消防處被揭發喺尖沙嘴消防局大樓嘅會社內舉行百人聚餐午宴,其中包括蔡敏君在內,仲有消防處處長梁偉雄、建築署長何永賢、行政會議成員葉國謙、立法會議員楊永杰、深水埗民政事務專員黃昕然、深水埗警區指揮官吳樂俊,仲有警務處、民政署同埋食環署嘅高級官員都有出席,事件被人批評,話呢啲官員知法犯法[7][8]

參考[編輯]

  1. 1.0 1.1  . 喺2020-07-23搵到.
  2. 2.0 2.1 鄭寶生陳小瑜 (2020-06-18). 法會選舉│選舉主任將跨區兜亂 泛民料為DQ區議員參選人. 港01 (香港中文). 原先內容歸檔喺2020-06-22. 喺2020-08-09搵到. {{cite web}}: Cite has empty unknown parameter: |dead-url= (help)
  3. 政專員跨區任選舉主任 民主派質疑為部署DQ. now新聞 (香港中文). 2020-06-19. 原先內容歸檔喺2020-06-22. 喺2020-08-09搵到. {{cite web}}: Cite has empty unknown parameter: |dead-url= (help)
  4. 4.0 4.1 黃之鋒. . 原先內容歸檔喺2020-09-04. 喺2020-07-26搵到. {{cite web}}: Cite has empty unknown parameter: |dead-url= (help)
  5. 情:蔡敏君照聚會唱K 話東道主有防疫措施. . 2020-07-20. 喺2020-07-23搵到.
  6. 軍懶理疫情照搞結業晚宴 DQ黃之鋒刀手蔡敏君出席 警方接報調查場內警員擋駕 | 蘋果日報. Apple Daily 蘋果日報 (香港中文). 原著喺2021-03-28歸檔. 喺2021-03-28搵到.
  7. 防被揭百人聚餐 多部門高官赴宴 涵建署警處民政食環行會立會 梁子超批零危機感 - 20220110 - 要聞. 報新聞網 - 每日明報 daily news (繁體中文). 喺2022-01-10搵到.
  8. 港消防百人午宴 處方稱嚴格遵守防疫規例 - 大紀元. 紀元 www.epochtimes.com (繁體中文). 2022-01-11. 喺2022-01-11搵到.
政府職務
上一任
郭偉勳
九龍城民政事務專員
2020年7月13日-
現任