｢唔發表就死｣（Publish or perish）喺研究型大學入面形容教師工作壓力嘅一句用語，指教師為咗喺學術生涯上取得成功，面對發表學術論文嘅巨大壓力。呢個詞最早喺1928年一篇期刊文章出現。
學者同佢哋嘅贊助機構會透過優秀嘅學術論文吸引外界注意，咁樣可以幫助佢哋爭取研究資金同延續佢哋嘅學術生涯。但對於嗰啲唔多發表論文嘅學者或者教師，喺競爭終身教授時可能會處於劣勢。由於呢種發表論文嘅壓力，有啲教師可能會向學術期刊投稿啲質素唔高嘅論文。
論文嘅價值通常由發表期刊嘅聲望去判斷，而期刊嘅好壞就可以用影響因子（IF）去衡量，即係該期刊發表嘅文章平均被引用嘅次數。