《啪啪Channel》(Talker: Bang Bang Channel)係香港電視娛樂製作嘅清談節目,2017年8月13號開始到2018年2月11號逢禮拜日23:30-00:00(晚吹時段)喺ViuTV播出,主持係陶傑、卓韻芝、阮文泰(Dickson)。節目延續呢個節目嘅前身《啪啪聲,太好聽》,每集節目都會講同性有關嘅主題。
節目名擺明係惡搞無綫電視嘅Big Big Channel,而正正就係因為《啪啪聲,太好聽》嘅節目監製畀Big Big Channel撬咗過檔,所以先至有呢個節目嘅出現。