喻學軒

喻學軒
出世	(1990-12-10)1990年12月10號 中國北京豐臺區新宮村
死	2010年7月25號(2010-07-25)（19歲） 中國北京豐臺區南苑鄉 新宮站嘅隧道入面
職業	飛躍道家、探險家
出名原因	喺地鐵族論壇入面成日關注北京地鐵嘅建設進度同埋北京巴士啲路線，地鐵族論壇從2006年成立以嚟第一位地下探險而死嘅飛躍道家。

喻學軒（粵拼：jyu6 hok6 hin1；簡化字：喻学轩；1990年12月10號—2010年7月25號），網名時波（si4 bo1；簡化字：时波），係中國大陸嘅飛躍道家同公共交通設施探險家，北京人，曾經喺地鐵族論壇入面成日關注北京地鐵嘅建設進度同埋北京巴士啲路線先至出名。2010年7月25號晚黑去大興綫嘅新宮站探險，半佬跌咗落隧道嘅消防井入面浸死咗。佢亦成為地鐵族論壇從2006年成立以嚟，第一位地下探險而死嘅探險家。

事發之後，當地公安亦開始介入搜查，發現喻學軒原嚟喺2010年7月25號出咗街之後一直冇再返嚟，根據線索話佢搭咗巴士去新宮站入邊搞地鐵探險。隨後問過周邊啲工地人員兼通過手機定位，發現佢原嚟入咗新宮站嘅隧道跌咗落消防井入面浸死咗，而喻學軒條鹹魚重喺事發4日之後先至被打撈出嚟。而地鐵族論壇重一度限制咗同喻學軒有關嘅事件言論成4日，重喺2010年8月1號開始，陸續喺成個地鐵族論壇明文規定禁止任何網友喺未經地鐵方批准同冇任何安全防範嘅情況下，入去起緊嘅車站工地搞任何活動。

而佢嘅事跡亦引起咗中國大陸政府對於外人喺施工工地入面搞探險嘅管理方面反思。而大興綫屬下嘅新宮站喺2010年12月30號開通。