國立清華大學
呢篇文講喺台灣新竹市嘅國立清華大學。想搵喺北京嘅清華大學嘅話，請睇清華大學。
國立清華大學（英文：National Tsing Hua University，NTHU），簡稱新竹清華。現址喺台灣新竹市。
國立清華大學前身係1911年利用美國退還庚子賠款嘅退款、喺北京設立嘅清華學堂。1925年設大學部。對日抗戰期間，西遷至昆明，同北京大學、南開大學合組國立西南聯合大學。
國共內戰後，清華大學被分成兩間。北京嘅清華大學由中華人民共和國政府接管，而實際接收庚子賠款嘅中華民國政府，就揾返1949年以前清華最有聲望嘅梅貽琦校長主事，1955年喺台灣新竹市復校。
復校之初首設原子科學研究所。1964年恢復大學部。目前共設有理、工、原子科學、人文社會、生命科學、電機資訊及科技管理七個學院；共有十七個學系，十九個獨立研究所。
喺學術研究之外，清華大學同交通大學喺每年嘅春季會舉辦「梅竹賽」，係兩校之間嘅悠久傳統，比賽項目包含球類、橋藝、棋類、拔河等。
國立清華大學同中國大陸嘅學術聯繫相當緊密，並同中國嘅頂尖高校好似北京清華大學、北京大學、浙江大學、復旦大學、中山大學、中國科技大學、西安交通大學、哈爾濱工業大學、山東大學、蘇州大學同蘭州大學有校際合作關係，其中各校每年都互派一定數量嘅優秀本科生前往中國嘅大學從事專題研究學習。
姐妹校
[編輯]亞洲
[編輯]
相關
[編輯]
維基文庫有原文：