國立臺灣大學醫學院

  想搵第二個意思嘅話，請睇臺灣總督府醫學校。

醫學院基礎醫學大樓

國立臺灣大學醫學院附設醫院

臺大醫院東址（中）同基礎醫學大樓（右），設有天橋連結

國立臺灣大學醫學院（英文：National Taiwan University College of Medicine），簡稱臺大醫學院（NTUCM），係國立臺灣大學嘅十一間組成學院之一。佢嘅前身可以追溯到1897年設立嘅臺北病院嗰度嘅「醫學講習所」，嗰個講習所亦都係臺灣最早設立嘅一間有現代醫學教學嘅醫學機構。

沿革

• 1895年6月20日，日軍喺大稻埕千秋街（依家嘅臺北市貴德街）借用民居建立「大日本臺灣病院」（依家嘅國立臺灣大學醫學院附設醫院前身），由濱野昇做第一任院長。
• 1896年4月，大日本臺灣病院改名做「臺北病院」。
• 1897年5月，臺灣總督府醫院官制公布，病院再更名做「臺灣總督府臺北醫院」。同年7月，醫院搬到明石町（依家嘅常德街臨新公園），院長山口秀高喺院內開咗「醫學講習所」。
• 1899年，醫學講習所改建成為「臺灣總督府醫學校」。
• 1918年，臺灣總督府醫學校改咗做「臺灣總督醫學校專門部」。
• 1919年，成立「臺灣總督府醫學專門學校」。
• 1922年，專門部同「臺灣總督府醫學專門學校」合併。
• 1927年，臺灣總督府醫學專門學校改名做「臺灣總督府臺北醫學專門學校」。
• 1936年，成立「臺北帝國大學醫學部」，專門學校併入「臺北帝國大學醫學部」成為「臺北帝國大學附屬醫學專門部」。
• 1938年，臺北醫院併入臺北帝大醫學部，咗名做「臺北帝國大學醫學部附屬醫院」。
• 1945年，中華民國政府接收臺灣後，臺北帝大醫學部同附屬醫學專門部合併，改名做「國立臺灣大學醫學部」。 臺北帝國大學醫學部附屬醫院、日本赤十字社臺灣支部病院，分別改名做國立臺灣大學醫學院第一附屬醫院、國立臺灣大學醫學院第二附屬醫院。
• 1946年，奉教育部函，臺大醫學部改名做「國立臺灣大學醫學院」，醫科四年制改為五年制，並且加一年實習；醫學專門部併入醫學院。呢個係台灣施行中式醫學教育制度嘅開始。
• 1947年，國立臺灣大學醫學院第二附屬醫院（院址係依家嘅臺北市立聯合醫院中興院區，院制由依家嘅衛生福利部臺北醫院承襲）改為隸屬於臺灣省行政長官公署，所以唔再係由國立臺灣大學醫學院管理。
• 1948年，第三十七學年度開學前，教育部將醫學教育由五年制改成六年制。
• 1949年，經校長傅斯年令，醫科六年制改制為七年制，醫科一、二年級改咗叫「醫預科」，隸屬理學院。
• 1950年3月10日，「國立臺灣大學醫學院附設醫院附設高級護士職業學校」（簡稱「臺大護校」）正式成立，當時做緊臺大醫院護理部主任嘅陳翠玉做創校校長，同年5月15號正式上課。
• 1955年開設牙醫學系。
• 1956年國立臺灣大學護理系成立後，臺大護校停止招生。
• 1959年9月，臺大護校停辦。
• 1973年，奉教育部令醫科改制做醫學系。
• 1992年，取消咗復健醫學系，改咗做物理治療學系同埋職能治療學系。
• 1993年，成立全院性嘅課程委員會同教學發展委員會。增設急診醫學科。
• 1994年，成立兒童醫院籌備處； 公共衛生學科改名做社會醫學科； 實驗診斷科改名做檢驗醫學科。
• 1996年，正式成立研究發展室（研究發展分處），整合醫學院、附設醫院同埋公衛學院成立跨領域、整合性嘅群體研究計畫，並且統籌辦理醫學校區學術研究相關嘅行政事務。
• 1998年3月，臺大醫學院舊館（依家嘅國立臺灣大學醫學人文博物館）同臺大醫院舊館（依家嘅臺大醫院西址）都俾臺北市政府文化局根據《文化資產保存法》定咗做直轄市定古蹟。
• 2000年12月，成立醫學系辦公室。醫學系牙科調整咗做一般醫學科。 設臨床藥學研究所、臨床醫學研究所碩士在職進修專班、癌症研究中心。 解剖學科（所）改名做解剖學暨細胞生物學科（所）；細菌學科（所）改名做微生物學科（所）；雷射醫學研究中心改名做光電生物醫學研究中心。
• 2003，設基因體醫學研究中心（校級功能性中心）。
• 2004，設物理治療學研究所博士班。 設法醫學研究所碩士班。
• 2005年，醫事技術學系改名做醫學檢驗暨生物技術學系。基因體醫學研究中心改名做「醫學卓越研究中心」， 佢嘅下面設有基因體醫學組（原基因體醫學研究中心）、癌症醫學組同感染症醫學組，進行相關領域之研究。
• 2007年9月，郭台銘捐贈新臺幣150億元俾國立臺灣大學，當中嘅100億元新臺幣，用嚟起有500個病床規模嘅臺大醫院癌症醫學中心(NTUCC)，同埋質子中心；另外嘅50億元新臺幣，就由郭台銘創辦嘅永齡基金會同臺大共同針對高端設備醫療、幹細胞移植、預防醫學同醫學工程四個項目進行合作。
• 2008年，成立牙醫專業學院。設腫瘤醫學研究所博士班、臨床基因體醫學研究所博士班（2012年改名做基因體暨蛋白體醫學研究所）
• 2009年，附設癌症醫院改名做附設癌醫中心醫院
• 2010年，醫學卓越研究中心改名做基因體醫學研究中心。設轉譯醫學博士學位學程。
• 2011年，設腦與心智科學研究所碩士班。
• 2012年，設臨床基因醫學研究所改名做基因體暨蛋白體醫學研究所、光電生物醫學研究中心改名做光電醫學研究中心（2015年整併入醫療器材與醫學影像研究所）。
• 2013年，成立藥學專業學院、設口腔生物科學研究所博士班
• 2014年，設醫學教育暨生醫倫理學科暨研究所（由社會醫學科、一般醫學科調整成立）
• 2015年，設醫療器材與醫學影像研究所、基因體暨蛋白體醫學研究所碩士班
• 2018年12月19日，癌醫中心醫院開始試營運。
• 2019年7月4日，癌醫中心醫院正式供應醫療服務。12月19日，癌醫中心醫院舉辦冠名揭幕典禮，冠咗郭台銘老母初永真嘅名，改名為「永真健康醫療大樓」。
• 2021年3月，原編制獨立嘅癌醫中心醫院，因為財務赤字改制做醫學院附設醫院癌醫中心分院（英文名照舊係NTUCC）。

建築物

臺大醫學院喺臺北市中正區中山南路同仁愛路嘅交叉路口。其中有喺1945年以前起嘅二號館（依家嘅醫學人文博物館）、藥學館，同埋藥理館；1945年以後增建嘅藥理實驗室、聯合教學館、圓形教室、基礎醫學大樓，同埋診斷治療大樓等。

歷任院長

時期	任	姓名	就任	卸任	備註
日治	1	山口秀高	1897年4月	1899年4月	台北病院院長兼醫學講習所管理人
	2	山口秀高	1899年4月	1902年3月	台灣總督府醫學校校長
	3	高木友枝	1902年3月	1915年3月	台灣總督府醫學校校長
	4	堀內次雄	1915年3月	1936年3月	台灣總督府醫學校校長、台灣總督府醫學專門學校校長、台北醫學專門學校校長
	5	三田定則	1936年3月	1937年10月	臺北帝國大學醫學部部長兼附屬醫學專門部主事
	6	永井潛	1937年10月	1939年7月	臺北帝大醫學部部長兼附屬醫學專門部主事
	7	森於菟	1939年7月	1941年7月	臺北帝大醫學部部長兼附屬醫學專門部主事
	8	富田雅次	1941年7月	1942年10月	臺北帝大醫學部部長
	9	小田俊郎	1942年10月	1944年10月	臺北帝大醫學部部長（臺北帝國大學醫學部附屬病院首任院長）
	10	森於菟	1944年10月	1945年12月	臺北帝大醫學部部長
民國	1	杜聰明	1945年12月	1947年3月	京都帝國大學醫學博士，藥學，曾兼任臺灣大學教務長
	2	嚴智鍾	1947年4月	1948年6月	東京帝國大學醫學士，軍政部軍醫校校長，病理學
	3	杜聰明	1948年7月	1953年7月	再任
	4	魏火曜	1953年8月	1972年7月	東京帝國大學醫學博士，中央研究院院士，臨床學
	5	李鎮源	1972年8月	1978年7月	臺北帝國大學醫學博士，中央研究院院士，藥理學
	6	彭明聰	1978年8月	1983年7月	臺北帝國大學醫學博士，中央研究院院士，生殖學
	7	楊思標	1983年8月	1985年7月	新潟大學醫學博士，胸腔內科
	8	楊照雄	1985年8月	1987年7月	松本醫科大學醫學博士，癌症研究
	9	黃伯超	1987年7月	1991年8月	東京慈惠會醫科大學博士，營養學
	10	陳維昭	1991年8月	1993年7月	日本東北大學醫學博士，公共衛生學，曾任國立臺灣大學校長
	11	謝貴雄	1993年11月	1994年7月	國立臺灣大學醫學院醫科學士，原國科會生物處處長
	12	謝博生	1995年8月	2001年7月	東京醫科大學醫學博士，內科
	13	陳定信	2001年8月	2007年7月	國立臺灣大學醫學院醫科學士，中央研究院院士、美國國家科學院院士
	14	楊泮池	2007年8月	2013年7月	國立臺灣大學臨床醫學研究所博士，中央研究院院士，前任國立臺灣大學校長
	15	張上淳	2013年8月	2019年7月	國立臺灣大學臨床醫學研究所博士，台灣傳染病學會會長
	16	倪衍玄	2019年8月	現任	國立臺灣大學臨床醫學研究所博士，台大醫院肝炎研究中心主任，台灣靜脈暨營養醫學會理事長