禁止藥物濫用和非法販運國際日

出自維基百科,自由嘅百科全書
(由國際禁毒日跳轉過嚟)

每年嘅6月26號就係禁止藥物濫用同唔合法販賣運輸日gam3 zi2 joek6 mat6 laam6 jung6 tung4 m4 hap6 faat3 faan2 maai6 wan6 syu1 jat6英文International Day Against Drug Abuse and Illicit Trafficking),簡稱國際禁毒日粵拼gwok3 zai3 gam3 duk6 jat6),第個名係國際反毒品日粵拼gwok3 zai3 faan2 duk6 ban2 jat6),而國際禁毒日係要求成個地球要關注啲毒品嘅問題,重號召全球人民一齊解決毒品嘅問題同抵制毒品嘅危害。

國際禁毒日係點嚟㗎?[編輯]

喺20世紀80年代開始,由於成個地球入面,成日都出現吸毒嘅問題,尤其係走私毒品方面,幾乎冇王管咁滯。由於毒品會直接危害人民嘅身體同心理健康,嚴重噉影響嗮成個經濟嘅發展同社會快進步。就係噉,由於冇王管嘅毒品問題,已經變咗全球性嘅災難,幾乎喺全球邊個國家入面,冇國家係可以捹甩啲毒品嘅。喺販賣毒品同吸毒搞出嘅偷嘢、打劫、呃錢、賣淫同各種惡性暴力犯罪,已經好嚴重噉危害咗好多國家同地區嘅治安。有啲地區甚至連販賣毒品、恐怖主義黑社會喺埋一齊,已經變成危害國家安全嘅因素。就係噉,喺1987年6月12號——26號,聯合國瑞士維也納度開咗個會,而呢個會有138個國家嘅3000幾位代表嚟參加咗,同濫用麻醉品、非法販賣運輸嘅問題部長級會議。而個會度講咗「珍愛生命,遠離毒品」嘅口號。結果大會嘅代表都讚成咗,從1988年開始,每年嘅6月26號就係「國際禁毒日」。1987年12月,第42屆聯合國大會嘅決議通過做,每年嘅6月26號係「禁止藥物濫用和非法販運國際日」(啫係而家講嘅「國際禁毒日」)。

背景[編輯]

喺成個地球入面,毒品喺睇得好重下。有數據統計話,全球差唔多有2,000,000,000人喺度用緊毒品,而吸毒嘅人分佈嗮喺全球200幾個國家同地區。由於吸毒嘅人越嚟越後生,喺16——64歲啲人入面,有差唔多5%嘅人,一年至少唔合法噉食過一次毒品。而且全球每年嘅毒品交易額去到800000000000——1000000000000美金,每年就有200000人因為食咗毒品就死咗,重有成千萬個人因為食咗毒品,就搞到連勞動能力都冇埋。

雖然話國際社會已經有效噉喺打擊毒品走私同唔畀毒品散嗮出去嘅行為,但毒品問題重係而家全球嘅第一公害。所以聯合國毒品同犯罪問題辦公室話,一定要喺根本入面解決啲毒品嘅問題。每個國家應該要繼續加強國際合作、開展技術援助,重採取有效措施喺源頭度嚟唔畀啲毒品散播出去。喺2009年6月發佈嘅《2009年度世界毒品形勢報告》話,雖然話喺全球嘅市場入面,可卡因同大麻等毒品已經好穩定,甚至重有減少嘅跡象,但喺發展中國家,生產同用捹頭丸冰毒等合成毒品重越嚟越多。而且重搞出咗好多嘅新型毒品,重越嚟越多添,所以話而家,世界毒品同毒品犯罪形勢都睇得好重下。

口號[編輯]

從1992年開始,每年嘅國際禁毒日都有個口號響度嚟畀國際社會關注同一齊嚟禁毒效果。以下呢個表係每年嘅國際禁毒日所列出嘅口號:

年份 口號
1992年 毒品,全球問題,需要全球解決。
1993年 實施教育,抵制毒品。
1994年 女性,吸毒,抵制毒品。
1995年 國際合作禁毒,睇返聯合國(20世紀)90年代中嘅禁毒。
1996年 亂用毒品同唔合法販販賣運輸會帶嚟嘅社會同經濟嘅後果。
1997年 大家遠離毒品。
1998年 冇毒嘅世界,我哋都𠶧。
1999年 親近音樂,遠離毒品。
2000年 面對現實,拒絕墮落同暴力。
2001年 體育拒絕毒品。
2002年 吸毒同愛滋病。
2003年 畀我哋傾下毒品嘅問題
2004年 抵制毒品,參與禁毒。
2005年 揀健康嚟珍惜自我。
2006年 毒品唔係玩嘢
2007年 抵制毒品,參與禁毒。
2008年 依法禁毒、構造和諧。
2009年 毒品有冇控嗮你嘅生活?你嘅生活,你嘅社區,同毒品SAY NO。
2010年 一齊嚟禁毒,整和諧社會。
2011年 青少年同合成毒品
2012年 全球行動,一齊搞個冇毒品嘅安全社區。
2013年 抵制毒品,參與禁毒。
2014年 一個信息嘅希望:既可以防止毒品嘅傳播,又可以醫到因為毒品搞出嚟嘅疾病。[1]

參攷[編輯]

[編輯]