在日本朝鮮人總聯合會

在日本朝鮮人總聯合會（粵拼：zoi6 jat6 bun2 ziu1 sin1 jan4 zung2 lyun4 hap6 wui6*2）（朝鮮文：在日本朝鮮人總聯合會재 일본 조선인 총련합회，馬賴式轉寫：Chae Ilpon Chosŏnin Ch'ongnyŏnhaphoe；日文：在日本朝鮮人総聯合会ざいにほんちょうせんじんそうれんごうかい，拉丁轉寫：Zai-Nihon Chōsenjin Sōrengōkai）係居留日本嘅北朝鮮人嘅團體。

1945年結成嘅在日本朝鮮人聯盟畀駐日盟軍總司令以「暴力主義團體」嘅名義解散咗之後，喺1955年由在日朝鮮統一民主戰線新設呢個會。呢個會簡稱朝鮮總聯（ziu1 sin1 zung2 lyun4；朝鮮文：조선총련／朝鮮總聯），乃至直接嗌總聯（zung2 lyun4；朝鮮文：총련／總聯）。而喺日本啲報道度習慣用簡稱，不過寫成朝鮮總連（ziu1 sin1 zung2 lin4；日文：朝鮮総連／ちょうせんそうれん）^[1]。而因爲呢個會係北朝鮮人團體，所以喺南韓嗌呢個會做朝總聯（ziu1 zung2 lyun4；韓文：조총련／朝總聯）。

呢個會係無法人地位嘅非法人團體（日文：権利能力なき社団）。朝鮮總聯嘅主席兼幾位幹部都係北朝鮮嘅代議員^[2]。由於過去佢原先一啲成員係土台人（喺日本嘅北朝鮮間諜），呢個會同朝鮮半島問題有比較大嘅關涉，諸如文世光事件、祖國防衛隊事件都有涉嫌，所以日本嘅公安調查廳基於《破壞活動防止法》將呢個會定爲調查對象團體^[3]。

註

↑ 雖然話作爲固有名詞，呢個會名嘅正寫應該係「聯」，不過據同音漢字書寫規則，「聯」好多時喺日文寫成「連」。
↑ 在日同胞6人も選出互聯網檔案館嘅歸檔，歸檔日期2015年1月23號，. 朝鮮新報 2009.3.11
↑ 內閣眾質一六六第四七五號平成十九年七月七日互聯網檔案館嘅歸檔，歸檔日期2011年3月24號，.──呢個係日本國政府嘅答辯書，係對日本眾議院議員河村隆之（河村たかし）喺平成十九年（2007年）七月三號提出嘅《公安調査庁に関する質問主意書》嘅答辯。

連出去

在日本朝鮮人總聯合會嘅官方網站

呢篇在日本朝鮮人總聯合會係關於組織嘅楔位文章，重未完成嘅。麻煩你幫手補充佢嘅內容。

[1] 雖然話作爲固有名詞，呢個會名嘅正寫應該係「聯」，不過據同音漢字書寫規則，「聯」好多時喺日文寫成「連」。

[2] 在日同胞6人も選出互聯網檔案館嘅歸檔，歸檔日期2015年1月23號，. 朝鮮新報 2009.3.11

[3] 內閣眾質一六六第四七五號平成十九年七月七日互聯網檔案館嘅歸檔，歸檔日期2011年3月24號，.──呢個係日本國政府嘅答辯書，係對日本眾議院議員河村隆之（河村たかし）喺平成十九年（2007年）七月三號提出嘅《公安調査庁に関する質問主意書》嘅答辯。

[1]

[2]

[3]