塔利班駐多哈辦事處

2020年11月21號，美國代表扎爾邁·哈利勒扎德（左）同國務卿蓬佩奧喺卡塔爾多哈會見塔利班領導人阿卜杜勒·加尼·巴拉達爾同蘇海爾·沙欣等人

塔利班駐多哈辦事處 (粵拼：taap3 lei6 baan1 jyu3 do1 ha1 baan6 si6 chyu3) 係由2010年代初至到2021年塔利班奪取阿富汗政權期間，阿富汗塔利班嘅高級領導人一直駐紮喺卡塔爾首都多哈。塔利班喺嗰度嘅最初目的係開設一個辦公室，以促進塔利班、阿富汗伊斯蘭共和國政府、美國同其他國家之間嘅政治和解。塔利班辦公樓喺2013年啟用後，由於阿富汗伊斯蘭共和國政府反對將呢一個辦公室作為一個流亡政府嘅大使館面目出現，和平談判暫停。塔利班領導人喺卡塔爾政府嘅安排下繼續留喺多哈，條件係辦公室唔可以用嚟處理公共事務。