塢壁
塢壁（塢讀滸，粵拼：wu2 bik1），係五胡十六國同南北朝嗰陣北方漢人自設嘅軍事屏障，整來係爲咗抵禦胡族統治者遣民同戰亂。
成因
[編輯]塢壁嘅起源好早[1][2]，但自從永嘉之亂（五胡亂華）先至大量建造。當時胡族統治者往往將各族嘅居民搬去政治中心地帶，以方便控制同役使[3]。走唔甩嘅北方漢人為咗抵禦呢種遣民政策，糾合宗族兄黨，據險自守。
特點
[編輯]塢壁最好係建立喺既有險阻又可以耕種、有水泉灌溉嘅地方，所以呢尐塢壁都建立響山頂平原同有溪澗水源之處[4]。塢以宗族鄉黨為單位，塢主通常係鄉里豪帥[5]，但係塢並非塢主所有，塢主只係做督護，兼負責指揮打仗同耕種。塢壁有自己嘅內部規則[6]。
影響
[編輯]當時北方城市因為戰亂而荒蕪，唯有靠堡塢務農嚟自給自足，所以堡塢響北方社會中佔據咗重要嘅地位；因為塢壁係以宗族鄉黨為單位，所以北朝重同姓，重宗法[7]，大大加強鄉村豪族嘅地位，構成南北朝時代門閥政治嘅基礎。
參考
[編輯]- ↑ 《后漢書·馬援傳》：「繕城郭，起塢候，開導水田，勸以耕牧，郡中樂業」
- ↑ 《后漢書》卷二十 《銚期王霸祭遵列傳》：「堆石布土，筑起亭障，自代至平城三百余裡」
- ↑ 《陳寅恪魏晉南北朝史講演錄》第八篇 《晉代人口流動及其影響》，黃山書社，2000年，130頁
- ↑ 《晉書》 列傳第五十八《孝友傳》：「於是峻險厄，杜蹊徑，修壁塢，樹蕃障，考功庸，計丈尺，均勞逸，通有無，繕完器備，量力任能，物應其宜，使邑推其長，裡推其賢，而身率之。」
- ↑ 《晉書》 列傳第五十八《孝友傳》：「『千人聚而不以一人為主，不散則亂矣。』將若之何！眾曰：『善。今日之主，非君而誰！』」
- ↑ 《三國志·田疇傳》：「乃為約束相殺傷、犯盜、諍訟之法，法重者至死，其次抵罪，二十余條。」
- ↑ 萬繩楠《陳寅恪魏晉南北朝史講演錄》第八篇 《晉代人口流動及其影響》，黃山書社，2000年，141頁