壞蛋獎門人2

《壞蛋獎門人2》（英文：Despicable Me 2），係一部喺2013年7月3號上映嘅美國喜劇3D電腦動畫喜劇電影，係2010年動畫電影《壞蛋獎門人》嘅續集，亦係壞蛋獎門人系列電影第二部作品。由照明娛樂製作，環球影業發行，同上一集都係Pierre Coffin同Chris Renaud執導、辛柯·保羅與肯·多利歐編劇。史提夫·卡爾、羅素·布蘭德同米蘭達·科斯格羅夫重新詮釋之前嘅角色。第一集飾演哈蒂阿姨嘅克莉絲汀·薇格，喺呢集飾演特工露西。新卡士包含飾演艾德華多嘅本傑明·布拉特同埋飾演反恐聯盟主席紀畢谷嘅史帝夫·庫根。美國同台灣喺2013年7月3號，香港喺7月4號上映。 中國大陸喺2014年1月10號上映。