大學聯合招生辦法
大學聯合招生辦法 （英文：Joint University Programmes Admissions System，縮寫：JUPAS），通稱做大學聯招辦法，簡稱聯招，係香港專上教育嘅主要派位機制，由陳衍輝博士設計，「大學聯招辦法」管理委員會管理，並設有「大學聯招處」[1]。大學聯招協助持有香港中學文憑考試成績嘅香港學生申請修讀計劃下嘅大學全日制課程。
簡介
[編輯]大學聯合招生辦法係為持有香港中學文憑考試成績嘅學生提供申請入讀以下課程嘅主要途徑：
大學教育資助委員會（教資會）資助課程
[編輯]- 由以下列8間教資會資助院校提供嘅全日制學士學位課程：
- 由香港城市大學提供嘅教資會資助全日制副學士學位課程
- 由香港教育大學提供嘅教資會資助全日制高級文憑課程
- 由香港理工大學提供嘅教資會資助全日制高級文憑課程
自資課程
[編輯]- 由香港都會大學提供嘅自資全日制學士學位課程
指定專業/界別課程資助計劃（SSSDP「資助計劃」）課程
[編輯]- 由SSSDP「資助計劃」院校提供嘅SSSDP「資助計劃」全日制學士學位課程
申請資格
[編輯]只持有香港中學文憑考試成績嘅申請人
[編輯]所有申請修讀計劃下嘅大學全日制課程，必須透過「大學聯招辦法」遞交申請。喺評核「大學聯招辦法」申請過程中，申請人嘅香港中學文憑考試成績將會作為主要考慮因素，而其他因素亦會根據需要作為考慮條件。
同時持有香港中學文憑考試同其他學術成績嘅申請人
[編輯]同時持有香港中學文憑考試同其他學術成績嘅申請人，而單憑申請人香港中學文憑考試成績已經符合經「大學聯招辦法」可以選報嘅課程申請資格，可以選擇透過「大學聯招辦法」或非「大學聯招辦法」途徑遞交申請，但係唔可以同時透過兩種途徑遞交申請。喺評核「大學聯招辦法」申請過程中，申請人嘅香港中學文憑考試成績將會作為主要考慮因素，而其他因素亦會根據需要作為考慮條件。
唔符合申請資格
[編輯]以下類別嘅申請人，唔符合「大學聯招辦法」申請資格：
- 正在修讀經「大學聯招辦法」可以選報嘅全日制學士學位課程
- 需要合併香港中學文憑考試同其他學術成績
- 未持有任何香港中學文憑考試成績
- 只持有其他學術成績
取錄入學資格
[編輯]由於學額數目遠比合資格嘅申請人數少，而9間「大學聯招辦法」參與院校同SSSDP「資助計劃」院校收生需要經過甄選。因此，符合9間「大學聯招辦法」參與院校或SSSDP「資助計劃」院校同佢哋有關課程嘅最低入學要求嘅申請人並唔能夠保證獲得取錄入學。
申請人喺課程嘅評核結果名單上嘅位置並唔係只取決於佢喺香港中學文憑考試成績。會唔會取錄取決於多方面嘅因素，其中包括申請人喺某啲課程面試或測驗時候嘅表現、課程選擇組別、喺同一年度選報同一課程嘅申請人所考獲嘅香港中學文憑考試成績同報讀人數、申請人喺網上申請表上填寫嘅其他資料、其他因素等。
遴選程序
[編輯]9間「大學聯招辦法」參與院校同SSSDP「資助計劃」院校將根據個別課程入學條件對每個已選報課程嘅申請人進行評分，呢個評分將會決定申請人喺佢哋選報課程嘅評核結果名單中嘅位置。
「大學聯招辦法」嘅電腦系統會進行遴選程序。遴選程序會將申請人嘅課程選擇優先次序同所選報課程嘅評核結果名單相較配之後，再遴選出申請人獲得取錄而又屬課程選擇名單上最優先次序嘅課程。