大專學界反送中升級行動

出自維基百科,自由嘅百科全書
Jump to navigation Jump to search
大專學界反送中升級行動入面,示威者聚集香港警察總部門外

大專學界反送中升級行動,又叫大專學界反逃犯條例修訂升級行動,係2019年6月21號由香港大專學界發起嘅示威行動。皆因當局一直無回應由民間同大專學界提出嘅「四大訴求」(撤回《逃犯條例》修訂、收返對6月12號抗議活動嘅「暴動」定性、撤銷有關所有控罪同埋追究警隊濫權),大專學界決定將示威行動升級,號召市民喺21號朝早7點開始包圍香港政府總部。當日朝早11點開始,示威者開始佔領政府總部對出嘅夏慤道,中午開始聚集香港警察總部門外堵塞所有出入口,下晝更一度去過稅務大樓入境事務大樓同埋金鐘道政府合署圍堵,但挨晚之前絕大多數示威者已經重新集中返喺警察總部門外,一路去到深夜開始陸續自行散去。

睇埋[編輯]