大潭𡰪

出自維基百科,自由嘅百科全書
Jump to navigation Jump to search

大潭𡰪Tai Tam TukTytam TukTytam Took;𡰪讀督),又寫大潭叾(叾讀督)係香港一地,係香港島大潭洋面之中,最𡰪𡰪嘅地方,所以叫大潭𡰪。因爲𡰪同叾唔係文言常見字,又借字寫大潭篤。家下有大潭篤水塘大潭篤村大潭童軍中心亦在此。

地理[編輯]

大潭,故名思意,係個大嘅潭。潭三面環海,畀赤柱半島石澳半島夾實。英人將個潭分成兩名,白筆山黃蔴角,叫大潭灣,水面較闊,而白筆山到大潭𡰪,叫大潭港,水面較窄。

[編輯]

大潭𡰪就正正喺大潭港最入嘅地方。英人未建大潭篤水塘之前,大潭𡰪係谷地涌口,前面有淺灘。涌口有客家村,叫大潭𡰪,多數姓鍾,亦有幾戶姓邱、陳。佢哋祖先約莫十七世紀,由廣東梅縣同五華遷來,以耕種維生。而對出淺灘係水上人聚集之洋面,以避風浪。大潭𡰪,就係由條村留落來。

香港政府鑑於薄扶林水塘唔够使,就起多個水塘。政府相中大潭𡰪一帶山谷,分期而建。一八八二年,起好第一個。之後亦有幾個落成。到咗一九一二年,最後一期,起到大潭𡰪村。當時村中住有七十六人,村民全部得到政府賠償,徙去柴灣。工程於一九一七年完工。一九一八年二月二號,當時港督梅含理揭幕。

今日壩外亦有大潭篤村,同原本客家村無關,村民係水上人搬上岸嘅住。

而因爲柴灣發展城市,香港童軍總會喺柴灣嘅營地,亦搬到大潭𡰪,名大潭童軍中心

交通[編輯]

大潭𡰪地處偏僻。之不過由於係石澳淺水灣之間必經之路,所以壩頂貫通大潭道。由於佢係十九世紀嘅設計,加上偏僻,所以車道只有一綫,車以停係壩前,確保無對頭車,先可以通行。