大麻籽奶
大麻籽奶（英文：hemp seed milk），又稱為火麻奶（hemp milk）、火麻仁茶，係一種由大麻籽製成嘅植物奶。將大麻種子浸水，研磨，溶解喺水度，形成口感類似牛奶嘅嘢飲。呢種飲料含有富營營養。喺歐洲、美國同中國等地方，係一種合法嘅嘢飲，有各種唔同嘅品牌同口味出售。喺法令限制之下，大麻中含有嘅四氫大麻酚等成份，喺製成合法嘅嘢飲嗰陣，一般都會去除呢啲成分。
製作方法
[編輯]自製大麻籽奶，需要準備大麻籽、水、攪拌機。將半杯至一杯（68-136克）嘅大麻籽同3-4杯（710-946毫升）嘅水同時放入攪拌機中高速攪拌1分鐘。[1]如果想增加香味，可以加入香草，或者香草抽取物。如果想令到口感更加滑順，有啲人會再另外加入牛奶。亦可以再加入砂糖或甜味劑，令到味道更甜。
參考資料
[編輯]- ↑ 〈大麻牛奶，大麻籽，植物牛奶是什么，坚果型牛奶的健康饮食〉。WebMD (中國中文)。原先內容歸檔喺2018-11-08。喺2018-11-08搵到。