植物奶

米奶

椰奶

植物奶（英文：Plant milk）係將植物經過浸泡、研磨、壓榨等加工方式，製成同動物奶嘅顏色同口感類似嘅嘢飲。

種類

常見植物奶嘅主要原料源自以下嘅植物：

• 豆類：大豆奶、黑豆奶、青豆奶
• 堅果或種子類：杏仁奶、榛子奶、椰子奶、大麻籽奶
• 穀物類：米奶、燕麥奶、藜麥奶

飲植物奶原因

凡因為某啲因素而唔能夠從動物奶之中吸收營養嘅人士，可能需要飲用植物奶代替：

1. 患有乳糖不耐症嘅人士：呢類人飲牛奶之後會導致腸胃不適甚至肚痾，而植物奶不含乳糖，因此可以代替牛奶。
2. 對牛奶有敏感嘅人士：可以飲植物奶代為補充營養。
3. 食素人士：基於道德同動物權益。
4. 減肥人士：部分植物奶嘅卡路里比較低，碳水化合物又較少，適合減肥人士。