天河城廣場

天河城廣場
明細
原名	天河城廣場
類型	building complex[*]
用途	大型購物商場
建築風格	現代建築
管理	P&T集團
構造	大型商場
佔地面積	天河城：103,000㎡; 喜來登酒店：65,000㎡
建築面積	150,000 平方米
樓數	天河城：45層樓; 喜來登酒店：38層樓
高度	195±1 米、645±1 呎
逳手	天河城：2004年; 喜來登酒店：2006年
落成	天河城：2006年; 喜來登酒店：2011年
喺邊	中國廣東省廣州市天河區; 天河路208號
座標	23°08′05″N 113°19′02″E / 23.13473°N 113.3172°E

天河城廣場係廣東天河城（集團）股份有限公司開發同經營管理嘅一套大型商業建築，喺中國廣州市天河區天河路，對住天河體育中心，附近有好多嘅商業廣場連埋一齊，形成廣州最繁榮嘅三個商業圈之一嘅天河城商圈^[1]。

介紹

天河城廣場係由1個購物中心、1個甲級寫字樓、1個高端酒店同埋1個綠化廣場組成，總建築面積達33.69萬平方米。其中購物中心同埋寫字樓專案已經起完並投入使用，酒店項目宜家重喺度起緊。

天河城購物中心

天河城購物中心係中國大陸最早營運嘅大型購物中心（Shopping Mall）^[2]，佢係1996年8月18號正式開張。購物中心樓有10層咁高，其中地上便有7層、地庫3層，總建築面積約16萬平方米。負1樓同地上7樓係商業經營場地，建築面積約11萬平方米。地下2、3樓係停車場。入面包含左名牌商品專賣、食肆、戲院同埋電子遊戲等眾多嘅消費場所，入面嘅租戶超過300家，而且有天河城百貨（原天貿南大）同埋永旺（吉之島）等幾間大型百貨公司。

天河城購物中心係2006年1月12號被廣東省工商行政管理局授予為廣東省著名商標。

粵海天河城大廈

粵海天河城大廈係一座甲級嘅寫字樓，係天河城廣場嘅東面，係香港巴馬丹拿國際公司同埋廣州市設計院一齊建築設計，2007年2月1號落成並交付使用^[3]。成棟樓195米，樓嘅外牆以銀色高性能環保Low-E低反光玻璃配合縱橫向噴塗鋁條框架組成，一共45樓，係5個辦公區內配置左22台高速客梯，總建築面積大概10.3萬平方米。物業管理用「單一業權、只租唔買」嘅經營方式，專案係驗收半年後就有6成單位租咗出去，而且90%嘅租戶都係全球500強企業華南地區嘅區域總部^[4]。

粵海喜來登酒店

粵海喜來登酒店係廣東天河城（集團）股份有限公司同埋喜達屋酒店及度假酒店國際集團係2006年簽訂嘅合作協定嘅酒店項目，佢係由天河城集團負責起嘅，喜達屋集團輸入品牌及管理^[5]，工程喺當年開始施工。項目喺天河城廣場西面，為滿足喜來登酒店嘅需要，施工方面動用咗408公斤炸藥爆破拆咗原天河城西塔嘅地上四層樓，爆破時監測到每立方米空氣懸浮顆粒得0.5毫克，被行內稱為「中國環保第一爆」^[6]。新樓建築面積大概有6萬平方米，合共38樓，級別係五星級大酒店，合共供應445間客房，並且有餐廳、大型會議空間、健體中心、水療、康樂同埋遊泳池等設施，係2011年7月開業。^[7]。

附近嘅交通

天河城廣場係喺廣州嘅新城市中軸線上^[8]，天河路、體育西路同埋天河南一路分列廣場北、西、南部。東面都有港灣式嘅巴士站，有27條普通路綫、4條高峰路綫同埋12條夜班路綫經過；廣場嘅下面有地鐵連接隧道，有兩條地鐵線路喺依度交匯；重有，東面嘅宏城廣場有好多個大型樓盤巴士嘅停泊點。

參攷

↑ 〈繼天河城商圈之後 "第四商圈"短期耐好難形成〉。《資訊時報》。原著喺2020-03-16歸檔。喺2008-10-11搵到。
↑ 〈天河城廣場〉。廣州市新聞中心。原著喺2008-11-19歸檔。喺2008-09-27搵到。
↑ 〈粵海天河城大廈竣工〉。《南方都市報》。原著喺2007-10-22歸檔。喺2008-10-10搵到。
↑ 〈粵海天河城大廈精心樹立總部經濟基地品牌〉。天河區經貿局。喺2008-10-10搵到。{{cite web}}: CS1 maint: url-status (link)
↑ 〈喜來登酒店將進駐天河城西塔〉。《南方日報》。喺2008-10-11搵到。
↑ 〈中國環保第一爆廣州天河城西塔拆除成功〉。中國國際廣播電臺線上。原著喺2016-10-24歸檔。喺2008-10-11搵到。
↑ 〈喜來登酒店正式進駐天河城〉。華南商業網。喺2008-10-11搵到。{{cite web}}: CS1 maint: url-status (link)
↑ 〈廣州新城市中軸線規劃出爐〉。《新快報》。喺2008-10-11搵到。

出面網頁

[1] 〈繼天河城商圈之後 "第四商圈"短期耐好難形成〉。《資訊時報》。原著喺2020-03-16歸檔。喺2008-10-11搵到。

[2] 〈天河城廣場〉。廣州市新聞中心。原著喺2008-11-19歸檔。喺2008-09-27搵到。

[3] 〈粵海天河城大廈竣工〉。《南方都市報》。原著喺2007-10-22歸檔。喺2008-10-10搵到。

[4] 〈粵海天河城大廈精心樹立總部經濟基地品牌〉。天河區經貿局。喺2008-10-10搵到。{{cite web}}: CS1 maint: url-status (link)

[5] 〈喜來登酒店將進駐天河城西塔〉。《南方日報》。喺2008-10-11搵到。

[6] 〈中國環保第一爆廣州天河城西塔拆除成功〉。中國國際廣播電臺線上。原著喺2016-10-24歸檔。喺2008-10-11搵到。

[7] 〈喜來登酒店正式進駐天河城〉。華南商業網。喺2008-10-11搵到。{{cite web}}: CS1 maint: url-status (link)

[8] 〈廣州新城市中軸線規劃出爐〉。《新快報》。喺2008-10-11搵到。

[1]

[2]

[3]

[4]

[5]

[6]

[7]

[8]