天空之橋 (大溫哥華)

  呢篇文講加拿大大溫哥華地區嗰條懸索橋。想搵臺灣南投嗰條吊橋嘅話，請睇天空之橋 (猴探井天梯)。

天空之橋

全長	616米
最高點高度	123米
行船高度	45米
所在地	菲莎河（新西敏/素里）
通車日期	1990年3月16號
經緯度	49°12′20″N 122°53′48″W

天空之橋（英文：Skybridge）係加拿大大溫哥華地區嘅一座懸索橋，跨越菲莎河，連接新西敏同素里。

歷史

天空之橋由韓國現代建設公司（현대건설）設計，由一間位於智利域嘅建築公司負責建造。 1987年10月28號動工，1989年竣工，1990年3月19號通車，耗資2800萬加元。

建築

天空之橋係一條捷運專用橋，私家車要過河要行附近嘅帕圖洛橋。天空之橋上面有三條軌道，兩條畀博覽線每日行車用，中間嗰條就用來運載維修器材或者調度列車。條橋有兩座高123米嘅橋塔，軌道離菲莎河河面超過45米高。條橋嘅水面跨度340米，全長616米，係全球最長嘅捷運專用橋。