新西敏

出自維基百科,自由嘅百科全書
新西敏市中心外圍
新西敏

新西敏New Westminster,當地華人以前稱做二埠)係加拿大卑詩省嘅一座城市,喺1858年1866年之間曾經係卑詩殖民地嘅首府。總面積15.3平方公里2011年人口65796。

歷史[編輯]

卑詩殖民地喺1858年成立之後,行政總部最初設喺蘭里堡(Fort Langley)。由於蘭里堡好近美國邊界,英國當局認為唔適宜做殖民地首府,就開始另外搵地方建立首府。當時重係上校嘅英軍司令慕迪(Richard Moody)認為宜家新西敏所在嘅菲沙河北岸一帶容易保衞,而且水路交通理想,日後重有發展鐵路嘅潛力,就喺1859年建議將殖民地首府搬過唻呢度。時任卑詩總督道格拉斯(James Douglas)接納伊個建議,並喺1859年2月14號宣佈將卑詩殖民地嘅首府搬唻呢度。隨後道格拉斯向倫敦申請將伊座新城市命名為「昆士堡」(Queensborough,意思係「女王鎮」),但係倫敦方面唔鍾意伊個名。英國維多利亞女皇最後欽定以大倫敦政治核心西敏市將新城市命名為「新西敏」。「新西敏」伊個名喺1859年7月20號正式生效,而「昆士堡」就成為咗新西敏喺魯魯島上面嘅飛地嘅名。