天

  「天空」跳轉到呢度。想搵王菲專輯，請睇「天空 (王菲專輯)」。

日頭嘅藍天

天（粵拼：Tin1），或者天空（粵拼：tin1 hung1），就係指響地面向上望，見得到嘅大氣層同外太空。雀、飛機、紙鳶都會當係天度飛。天空日頭會變藍，係由日光響大氣散射而成。而夜晚就黑晒。成個宇宙會現出來。挨晚，日出，會經過變橙紅呢個過程，都係大氣散射而成。

唐字

天原本指顛，即係頭殼頂。甲骨文代表人正立嘅大字，頭上加個方格強調顛頂。天同大字形混用。後尾金文、篆文變做一橫。由頭頂最高引伸做至高無上嘅天。

部首

《說文解字》歸佢入一部，《康熙字典》就歸佢入大部。

讀音

天中古讀他前切，平，先韻，透。上古真部。

傳統同哲學

廣東人叫天做天公。哲學嘅天係非人格化嘅最高主宰。