太平沙

太平沙（粵拼：taai3 ping4 saa1）係中國廣東省廣州市嘅一條內街，喺越秀區北京路南邊嘅珠光路交界對面。

名

太平沙嘅名出喺詩人——陳恭尹嘅題詞。清初有位陳恭尹喺育賢坊（已經冇咗，今日嘅北京路禺山市場）住，成日嚟沙洲邊行街。有位沙洲農民喺沙洲邊起咗個牌坊，咁啱見到成日喺沙洲邊行街嘅陳恭尹而搵佢寫題字，結果應承咗。而陳恭尹冇諗到農民係希望佢寫「子孫昌盛」嘅題字，加上嗰時凈掛住睇沙洲邊嘅靚景，重猛咁講「太平煙滸」四個字。陳恭尹返到屋企之後嗌書童開宣紙寫「太平煙滸」四個隸書字，第二日畀開荒嘅農民睇，但農民唔識睇字，加上書童將個「滸」字讀成「許」字。陳恭尹後嚟解釋話：「太平世界有好多炊煙，係你家人好多，人多力量大，炊煙就多咗。」農民聽咗之後好高興，命令嗌工匠寫咗呢個題詞上去牌坊。由於詩人嘅筆法好靚，成為嗰時沙洲嘅其一標記。

由於「太平」兩個字嘅意頭幾好下，後嚟啲人喺坊額攞咗頭兩個字（太平）做沙洲嘅名。

由來

太平沙喺17世紀尾到18世紀初係珠江嘅一個沙洲，最初由五嚿沙洲組成，所以又叫「五洲」。但因泥沙猛咁積埋一齊，到大明就合五為一，變成靠珠江北邊嘅沙洲，結果有農民到沙洲開荒，甚至喺沙洲嘅低窪地種咗蓮藕。由於嗰時風景好靚，結果又起咗好多亭臺樓閣，好快變成廣州比較出名嘅風景區。但太平沙隔籬又有泥沙堆積成新嘅沙洲，叫增沙（今日嘅增沙街），跟住隔籬又多咗嚿沙洲，叫新沙（今日嘅華廈大酒店）。結果從嗰年嘅五洲到太平沙、到增沙、新沙，呢帶由珠江嗰年嘅河或沙洲變成廣州珠江北邊嘅街區。

攷