北美太平洋時區

     太平洋時區

北美太平洋時區（粵拼：taai3 ping4 joeng4 si4 keoi1）係美國同加拿大西海岸靠近太平洋地區用嘅時區。美洲其他國家都有喺呢個時區入面，但係可能叫嘅名唔同，例如墨西哥叫西北時區。

太平洋時區嘅當地時間叫做太平洋時間（英文：Pacific time，減筆：PT；法文：heure du Pacifique，減筆：HP）。佢嘅標準時間叫做太平洋標準時間（英文：Pacific Standard Time，減筆：PST；法文：heure normale du Pacifique，減筆：HNP），時間定義係 UTC-8。

喺太平洋時區，美國嘅地區同加拿大嘅大部份地區夏天都用夏令時間。佢嘅夏令時間叫做太平洋夏令時間（英文：Pacific Daylight Time，減筆：PDT；法文：heure avancée du Pacifique，減筆：HAP），UTC-7。

太平洋時區入面最大嘅城市係加利福尼亞州洛杉磯，而最大嘅地區就係洛杉磯都會區。